បាត់ដំបង៖ ស្ត្រីជាម្តាយ បានខកបំណង ព្រមទាំងមានវិប្បដិសារីយ៉ាងខ្លាំង បន្ទាប់ពីបានប្តឹងទៅសមត្ថកិច្ចក្នុងគោលបំណងអោយជួយអប់រំកូនប្រុសដែលបានប្រើម្រាមដៃរុកប្រដាប់ភេទប្អូនស្រីបង្កើតរបស់ខ្លួនរហូតដល់មានស្លាកស្នាមនិងដាច់រលាត់ កាលពីថ្ងៃទី 15-3-15 វេលាម៉ោង 4 ទៀបភ្លឺនៅក្នុងភូមិអូរដំបង ឃុំអូរដំបង 2 ស្រុកសង្កែ ខេត្តបាត់ដំបង ខណ:ដែលអ្នកស្រីចេញពីផ្ទះទៅលក់បន្លែនៅឯផ្សារ ហើយឥឡូវនេះត្រូវបានតុលាការបញ្ជាអោយកសាងសំណុំរឿងនិងបញ្ជូនបើទោះបីជាកូនប្រុសនោះស្ថិតក្នុងវ័យជាអនីតិជនក៏ដោយ។បើតាមសេចក្តីរាយការពីសមត្ថកិច្ចមូលដ្ឋានបានអោយដឹងថា ក្មេងប្រុសដែលសមត្ថកិច្ចឃាត់ខ្លួនដោយយោងតាមពាក្យបណ្តឹងរបស់ស្ត្រីជាម្តាយនោះមានឈ្មោះ យ៉ុម ចិន អាយុ 15 ឆ្នាំ រស់នៅត្រង់ចំនុចកើតហេតុ ដែលបានឆ្លៀតឱកាសពេលម្តាយមិននៅ បានយកម្រាមដៃទៅស្ទាបអង្អែលប្រដាប់ភេទប្អូនស្រីឈ្មោះ យ ស ន ហៅ ច អាយុ 8 ឆ្នាំ ហើយក៏បានរុកចូលទៅក្នុងប្រដាប់ភេទបណ្តាលអោយដាប់រលាត់នៅផ្នែកខាងក្នុងក្រោយពេលធ្វើកោសល្យវិច្ច័យ។ដោយសារតែមានការឈឺចាប់ខ្លាំងពេក ទើបនៅពេលដែលម្តាយត្រឡប់មកពីលក់បន្លែវិញក្មេងស្រីដែលត្រូវជាប្អូនបានប្រាប់ទៅម្តាយហើយនៅពេលនោះស្ត្រីជាម្តាយគឺមានគំនិតមួយដោយចង់អោយសមត្ថកិច្ចជួយធ្វើការអប់រំកូនប្រុសរបស់ខ្លួន ដើម្បីបញ្ឈប់រាល់សកម្មភាពអាសអាភាសនេះតទៅទៀត ប៉ុន្តែផ្ទុយទៅវិញអ្វីៗត្រូវបានខកបំនងទាំងអស់ព្រោះពេលដែលប្តឹងទៅសមត្ថកិច្ច ហើយក៏បានរាយការទៅតាមខ្សែបណ្តោយស្រាប់តែស្ថាប័នតុលាការបានអនុវត្តតាមផ្លូវច្បាប់ដោយបញ្ជាអោយសមត្ថកិច្ចរៀបចំសំណុំរឿងបញ្ជូនទៅវិញ ដែលធ្វើអោយស្ត្រីជាម្តាយកើតមាននូវវិប្បដិសារីយ៉ាងខ្លាំង ព្រោះប្អូនស្រីអាចខូចអនាគតហើយម្យ៉ាងទៀតកូនប្រុសត្រូវច្បាប់បញ្ជាអោយនាំខ្លួនបែបនេះ ព្រោះសមត្ថកិច្ចបានចុះទៅនាំខ្លួននៅប្រហែលជាម៉ោង 4 ល្ងាច នាថ្ងៃទី 17-3-15 ក្រោយពេលដែលស្ត្រីជាម្តាយបាននាំកូនស្រីត្រឡប់ មកពីធ្វើកោសល្យវិច្ច័យរួចមក ដែលគ្រូពេទ្យបណបញ្ជាក់ថាមានការដាច់រលាត់ខ្លាំង។ រឿងនេះផងដែរក៏មានមជ្ឈដ្ឋានជាច្រើនបានធ្វើការរិះគន់យ៉ាងចាស់ដៃទៅលើប្រព័ន្ធ បណ្តាញព័ត៌មាននានា ពិសេសគឺបណ្តាញសង្គមហ្វេសប៊ុក ដែលមានការបង្ហោះនៅរូបភាពប្លែកៗអាចធ្វើអោយមនុស្សគ្រប់រូបបានឃើញ ពឹសេសក្នុងស្រទាប់យុវវ័យ អាចធ្វើអោយមានការភ្លើតភ្លើនចង់ដឹង ចង់ឃើញ ថែមទាំងចង់អនុវត្តទៀតផង ព្រោះជាក់ស្តែងក្មេងប្រុសដែលសមត្ថកិច្ចឃាត់ខ្លួននេះក៏បានសារភាពដែរថា កន្លងមកខ្លួនធ្លាប់មើលរឿងប្លែកៗ ពិសេសគឺរឿងសិច តាមរយ:ទូរស័ព្ទដៃរបស់មិត្តភក្តិ នេះហើយដែលជាបញ្ហា និងជាដើមចមដែលធ្វើអោយយុវជនរូបនេះមានការចង់ដឹងតែទីបំផុតត្រូវច្បាប់ផ្តន្ទាទោសទាំងវ័យអនីតិជននៅឡើយ។
ព័ត៌មានជាតិ
មតិយោបល់