ភ្នំពេញ៖ ខណៈដែលមង្គលការរបស់អ្នកឧកញ៉ា គិត ម៉េង និងស្រីតូច ចំណាន កំពុងតែធ្វើឲ្យមហាជនតាមដានយ៉ាងយកចិត្តទុកដាក់នោះ គេក៏មិនភ្លេចផងដែរថា នៅយប់នេះ ភរិយាលោកប្រធានាធិបតីសហរដ្ឋអាមេរិក លោកស្រី Michelle Obama នឹងមកដល់កម្ពុជា។
នៅក្នុងដំណើរទស្សនកិច្ចវប្បធម៌រយៈដំបូងសម្រាប់លោកស្រី Michelle Obama នៅកម្ពុជា ដែលមានរយៈពេល ៣ថ្ងៃនេះ នឹងទទួលបានការស្វាគមន៍យ៉ាងកក់ក្តៅពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ហើយក៏កម្ពុជាក៏មានមោទនភាពខ្លាំងផងដែរទៅលើវត្តមាននេះ។
លោកស្រី Michelle Obama ភរិយាលោក អូបាម៉ា ប្រធានាធិបតីអាមេរិក នឹងមកដល់ប្រទេសកម្ពុជានៅម៉ោងប្រមាណជិត៩៖០០នាទីយប់ ថ្ងៃទី២០ ខែមីនា ឆ្នាំ២០១៥នេះ។
គួរបញ្ជាក់ផងដែរថា ប៉ុន្មានថ្ងៃនេះ ស្ទើរតែគ្រប់បណ្ដាញព័ត៌មានទាំងអស់បានផ្ដោតសំខាន់លើពិធីមង្គលការអ្នកឧកញ៉ា គិត ម៉េង និងស្រីតូច ចំណាន ជាពិសេសគឺលើបណ្ដាញ Facebook តែម្ដង៕
មតិយោបល់