Huawei ជាក្រុមហ៊ុនបច្ចេកវិទ្យាយក្សមួយរបស់ចិន ដែលបច្ចុប្បន្នកំពុងអង្គុយនៅលើកៅអ៊ីទី២ នៃក្រុមហ៊ុនផ្គត់ផ្គង់គ្រឿងបរិក្ខាទូរគមនាគមន៍ធំជាងគេនៅក្នុងពិភពលោក បន្ទាប់ពីក្រុមហ៊ុន Ericsson និងជាក្រុមហ៊ុនស្មាតហ្វូនធំលំដាប់កំពូលនៅក្នុងប្រទេសចិន និងពិភពលោកផងដែរ។
នៅក្នុងឆ្នាំ ២០១៤ កន្លងទៅនេះ ប្រាក់ចំណូលដែលបានមកពីការលក់ សម្រាប់ក្រុមហ៊ុននេះ បានកើនឡើង ១៥ភាគរយ ស្មើនឹង ៤៦ពាន់លានដុល្លារអាមេរិក ហើយក្រុមហ៊ុនបានរំពឹងថា វានឹងកើនឡើងដល់ ៧០ពាន់លានដុល្លារអាមេរិក នៅឆ្នាំ ២០១៨ ខាងមុខ។
ប្រាក់ចំណូល Huawei ដែលបានមកពីការលក់ស្មាតហ្វូននៅក្នុងឆ្នាំ ២០១៤ កើនឡើង ៣៣ភាគរយ ជិត ១២ពាន់លានដុល្លារអាមេរិក ជាមួយនឹងការលក់ស្មាតហ្វូនបាន ៧៥លានគ្រឿង។
គួរបញ្ជាក់ផងដែរថា បច្ចុប្បន្ននេះ Huawei កំពុងតែជ្រៀតចូលទីផ្សារប្រទេសកម្ពុជាបន្ដិចម្ដងៗ តាមរយៈការលក់ស្មាតហ្វូនម៉ូដែលថ្មីៗ ហើយក៏មានការគាំទ្រខ្លាំងពីសំណាក់អ្នកប្រើផងដែរ៕
វីដេអូ Huawei Watch៖
មតិយោបល់