ភ្នំពេញ៖ នៅក្នុងឆ្នាំ ២០១៤ កូរ៉េខាងត្បូងបានបោះទុនវិនិយោគជាង ៨០លានដុល្លារអាមេរិក នៅក្នុងប្រទេសកម្ពុជា ខណៈដែលទំហំពាណិជ្ជកម្មរវាងប្រទេសទាំងពីរ បានកើនឡើងពី ៥៤លានដុល្លារអាមេរិក នៅឆ្នាំ ១៩៩៧ ដល់ ៧៥០លានដុល្លារអាមេរិក នៅឆ្នាំ ២០១៣ គឺកើនឡើងប្រហែល១៤ដង។ នេះបើយោងតាមការចុះផ្សាយរបស់ AKP ចេញផ្សាយនៅថ្ងៃអង្គារទី២៥ ខែមីនា។
ឯកអគ្គរដ្ឋទូតសាធារណរដ្ឋកូរ៉េប្រចាំប្រទេសកម្ពុជា លោក Kim Weon Jin បានមានប្រសាសន៍នៅក្នុងសន្និសីទកាសែតស្តីពីសកម្មភាពវប្បធម៌កូរ៉េ ឆ្នាំ ២០១៥ ថា សាធារណរដ្ឋកូរ៉េ នឹងជំរុញការវិនិយោគពីសាធារណរដ្ឋកូរ៉េ មកកម្ពុជាឲ្យកាន់តែច្រើនថែមទៀត ខណៈដែលកាលពីឆ្នាំ ២០១៤ មានទំហំទឹកប្រាក់ ៨០លានដុល្លារអាមេរិក។ លោកឯកអគ្គរដ្ឋទូត ក៏បានបញ្ជាក់បន្ថែមទៀតថា នេះជាឱកាសល្អសម្រាប់ការដាក់ទុនវិនិយោគ ព្រោះប្រទេសកម្ពុជា ជាប្រទេសកំពុងអភិវឌ្ឍន៍ ជាពិសេសទំហំពាណិជ្ជកម្ម រវាងប្រទេសទាំងពីរ បានកើនឡើងពី ៥៤លានដុល្លារអាមេរិក នៅឆ្នាំ ១៩៩៧ ដល់ ៧៥០លានដុល្លារអាមេរិក នៅឆ្នាំ ២០១៣ គឺកើនឡើងប្រហែល១៤ដង៕
មតិយោបល់