បទចម្រៀងមួយបទដែលមានចំណងជើងថា បទ “No Copy” ឬ “មិនចំលង” ជាបទចម្រៀងដែលត្រូវបានអះអាងដោយយុវជន ៤ នាក់ ឈ្មោះ Tempo Tris , Ya, Reach, Tin ថាជាបទចម្រៀងមួយថ្មីសន្លាងមិនចម្លងពីគេ ។
បទស្នាដៃកូនខ្មែរ បែបចង្វាក់រ៉ក ត្រូវបានយុវជនឈ្មោះ Tempo Tris ធ្វើការអះអាងថា បទនេះទាំងសាច់ភ្លេង ទំនុកច្រៀង មិនចម្លងពីគេនោះទេ ដោយពួកខ្លួនខំធ្វើវាឡើង ដើម្បីដាស់តឿន ដល់ យុវជន និងផលិតកម្មនានា គួរបញ្ឈប់បទចម្រៀងចម្លងពីគេទៅ ។ ថ្លែងប្រាប់សារព័ត៌មាន ដំណឹង បែបនេះ បន្ទាប់ពី អ្នកសារព័ត៌មានយើង ជជីកសួររកការពិត ។
យើងសង្កេតឃើញថា បច្ចុប្បន្ននេះ ក្រៅពី Tempo Tris , Ya, Reach, Tin នៅមានយុវជនជាច្រើនទៀត បានសំងំធ្វើបទថ្មីជាស្នាដៃកូនខ្មែរ ទោះខ្លួនធ្វើមិនបានល្អ ១០០ ភាគរយ តែនៅតែធ្វើ ដើម្បីបង្ហាញមកឲ្យមជ្ឈដ្ឋានខាងក្រៅបានស្តាប់ ក្នុងន័យរិះគន់ស្ថាបនា ដល់ស្នាដៃរបស់ខ្លួន ។
ត្រង់ចំណុចនេះដែរ ក្រសួងពាក់ព័ទ្ធ ជាពិសេស ក្រសួងវប្បធម៌ និងវិចិត្រសិល្បៈ គួរតែលើកកម្ពស់ អ្នកមានស្នាដៃ និងគំនិត បង្កើតឡើងដោយខ្លួនឯង ដើម្បីសង្គមជាតិ រីកចម្រើន ទៅមុខទាំងអស់គ្នា ៕
ស្តាប់បទ No Copy ដូចខាងក្រោមនេះ ៖
មតិយោបល់