ព័ត៌មានចចាមអារ៉ាមជាច្រើនបានចុះផ្សាយថា ក្រុមហ៊ុន Huawei នឹងបង្ហាញស្មាតហ្វូន P8 ម៉ូដែលថ្មីនៅថ្ងៃទី ១៥ ខែមេសា ឆ្នាំ ២០១៥ ខណៈ​ដែល​លិខិតអញ្ជើញជាច្រើនត្រូវបានផ្ញើទៅដល់ដៃ​អ្នកសារព័ត៌មាន និងវិនិយោគទុន។

នៅពេលនេះ គេហទំព័រ TENAA របស់ចិន បានទម្លាយរូបភាព P8 របស់ Huawei ព្រមទាំងអះអាងថា នោះគឺជារូបភាពពិតរបស់ P8។ បើសិនជា​ដូចនៅក្នុងរូបភាពនេះមែន គឺ P8 ពិតជាស្រស់ស្អាត និងទាក់ទាញភ្នែក បើទោះបីជារូបរាងដែលបង្ហាញមិនសូវជាច្បាស់ក្ដី ប៉ុន្តែគេអាចសន្មត់បាន​ថា វាអាចប្រជែងជាមួយស្មាតហ្វូនថ្មីៗ ដែលទើបបង្ហាញខ្លួន ដូចជា Samsung Galaxy S6 ជាដើម។

ប្រភពដដែលបានបញ្ជាក់ថា P8 មានអេក្រង់ ៨អ៊ីង កាមេរ៉ាក្រោយ ១៣មេហ្គាភិចសែល និងមុខ ៥មេហ្គាភិចសែល ជាពិសេសគឺប្រើប្រាស់​ប្រព័ន្ធ​ដំណើរការ Android 5.0 Lollipop៕