ភ្នំពេញ៖ តារាសម្តែង និងពិធីការិនី កញ្ញា អន រ៉ាស៊ីសុមេត្តា ហៅ No More មួយប្រាវមុនយីអ៊ុនឡើង ដោយឡើងកាលីព ទិញបានផ្ទះល្វែងមួយ ជាមួយនឹងកំលាំងញើសឈាមនាង ដែលបានមកពីវិស័យសិល្បៈ។ ក្រោយមកទៀតនាងក៏ក្តោបបានតំណែង ជាពិធីការិនី នៅស្ថានីយ៍ទូរទស្សន៍ MSJ ធ្វើឲ្យអ្នកក្នុងចង្កោមសិល្បៈច្រណែន នឹងនាង។
ក៏ប៉ុន្តែយីអ៊ុនរបស់នាងដែលធ្លាប់តែឡើង បែរជាធ្លាក់ទៅវិញ ដោយនាងបានសរសេរលើហ្វេសប៊ុកថា “មុនចូលឆ្នាំបាត់ IPad ក្រោយចូលឆ្នាំព្រឹកមិញនេះបាត់ IPhone ហើយថាខែក្រោយដូរឡាន ចឹងធ្វើម៉េចទៅ បើខ្ញុំជួបរឿងសយបែបនេះ ការងារជោគជ័យប៉ុន្តែទ្រព្យមិនគង់ចឹងនោះ ( មានអារម្មណថា ខ្លាចរអានឹងរបស់ទំនើប ) — feeling ស្តាយញើសឈាម.” ។
បញ្ជាក់ផងដែរថា No More ធ្លាប់ទទួលបានកាដូចិញ្ចៀនតម្លៃ ៨ ពាន់ដុល្លារពីប្រុសស្នេហ៍របស់នាង ក្នុងថ្ងៃបុណ្យនៃក្តីស្រលាញ់ឆ្នាំនេះ ធ្វើឲ្យមនុស្សស្រីជាច្រើន ជាពិសេសអ្នកក្នុងចង្កោមសិល្បៈច្រណែន នឹងកាដូដ៏មហិមារនេះ ៕
មតិយោបល់