បន្ទាយមានជ័យ៖នៅព្រឹកថ្ងៃទី២៧ខែមិនាឆ្នាំ២០១៥នៅវេទិការខេត្តបន្ទាយមានជ័យស្ថិតនៅ ភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។អាជ្ញាធរខេត្តបានប្រគំភ្លេងពិណពាតនៅមុខរូបសំណាកជ័យវរ្ម័នទី៧ដើម្បីធ្វើសេចក្តីបួងសួងសុំដករូបជ័យវរ្ម័នចាស់ដើម្បីដង្ហែរយកទៅតំកល់ទុកនៅវត្តជ័យឧត្តមស្ថិតនៅក្នុងភូមិស្រះជីក ឃុំស្រះជីក ស្រុកភ្នំស្រុកខេត្តបន្ទាយមានជ័យហើយបានយករូបជ័យវរ្ម័នទី៧ថ្មីសាងអំពីថ្មភ្នំយកមកដាក់ជំនួសវិញហើយជ័យវរ្ម័នចាស់វាខុសនិងរចនាបទទៀតផង ។ លោក គោស៊ុំ សារឿត អភិបាលខេត្តបន្ទាយមានជ័យបានប្រាប់ថា រូបចម្លាក់ចំនួន៣ដែលគ្រោងនិងត្រូវប្តូរថ្មីនៅកណ្តាលក្រុងសិរីសោភ័ណក្នុងខេត្តបន្ទាយមានជ័យ១.រូបចម្លាក់ស្រីគ្រប់លក្ខណ៍ដែលស្ថិតតាមផ្លូវជាតិលេខ៥នៅរង្វង់មូលស្រីគ្រប់លក្ខណ៍ដែលធ្វើអំពីស៊ីម៉ុងត៍មានកំពស់៥ម៉ែត្រទទឹង១.៧៥ម៉ែត្រស្ថិតភូមិបីសង្កាត់ព្រះពន្លាដែលកសាងនៅអំឡុងឆ្នាំ១៩៩៤សម័យលោក ដួង ខែម អភិបាលខេត្តបន្ទាយមានជ័យ។ ២.រូបចម្លាក់អវតារលោកិស្វរ:ព្រហស្ថ៣២ដែលនៅតាមផ្លូវជាតិលេខ៥រង្វង់មូលស្ថិតចំណុចមុខសាលាខេត្តបន្ទាយមានជ័យនិងទីបញ្ជាកាកងរាជអាវុធហត្ថខេត្តក្នុងភូមិគោរដ្ឋានសង្កាត់អូរអំបិលដែលមានកំពស់ជាង៦ម៉ែត្រទទឹងជាង២ម៉ែត្រកសាងអំឡុងឆ្នាំ២០០៨ធ្វើអំពីស៊ីម៉ុងត៍នាសម័យលោក អន ស៊ុំ អភិបាលខេត្ត។៣.ប្តូររូបចម្លាក់ព្រះបាទជ័យវរ្ម័នទី៧នៅវេទិការខេត្តបន្ទាយមានជ័យដែលកសាងឡើងនៅអំឡុងឆ្នាំ១៩៩៤សម័យលោក ដួង ខែម អភិបាលខេត្ត។លោកបានញ្ជាក់ថា ដោយមានការណែនាំពីឯកឧត្តមនាយឧត្តមសេនីយ៍ កែ គឹមយ៉ានប្រធានអាជ្ញាធរជាតិប្រយុទ្ធប្រឆាំងគ្រឿងញៀនបានអោយអាជ្ញាធរខេត្តបន្ទាយមានជ័យត្រូវយកចិត្តទុកដើម្បីអភិវឌ្ឍន៍នៅខេត្តបន្ទាយមានជ័យដែលខេត្តជាប់ជាយដែនឲ្យមានការរីកចំរើនទាក់ទាញភ្ញៀវអន្តរជាតិ។ទើបផ្លាស់ប្តូរ រូចម្លាក់ស្រីគ្រប់លក្ខណ៍ដាក់រូបចម្លាក់ថ្មព្រះនេត្រព្រះដែលមានកំពស់៥ម៉ែត្រទទឹ១.៥ម៉ែត្រដែលផ្តួចផ្តើមកសាងដោយលោកជំទាវ ម៉ៅ ម៉ាល័យ កែ គឹមយ៉ានចំណាយថវិការចំនួន១២.០០០ដុល្លានិងចម្លាក់អវតារលោកិស្វរ:ព្រហស្ថ៣២ដែលកសាងថ្មព្រះនេត្រព្រះមានកំពស់៦.៦ម៉ែត្រទទឹង២.១ម៉ែត្រដែលកសាងដោយរដ្ឋបាលខេត្តតំលៃ១២.០០០ដុល្លាដែលកសាងរយះពេល៣ខែអោយរួចរាល់ ហើយគ្រោងនិងប្តូររូបចម្លាក់ព្រះបាទជ័យវរ្ម័នទី៧នៅវេទិការសាលាខេត្តដូចគ្នា។ លោក គោស៊ុំ សារឿត បានបន្តថា មូលហេតុដែលសម្រេចអោយជាងឆ្លាក់រូបថ្មីពីថ្មភក់ស្រុកព្រះនេត្រព្រះដើម្បីយកមកដាក់ជំនួសរូបចាស់ព្រោះរូបចម្លាក់មុនត្រូវបានកសាងអំពីស៊ីម៉ុងដែលមានភាពចាស់ទើបបានប្តូរដាក់រូបចម្លាក់ធ្វើអំពីថ្មភក់ជំនួសអោយមានភាពរឹងម៉ាំងនិងកែលំអខឿនថ្មីអោយមានសភ័ណភាពល្អផងដែរ។លោកគោស៊ុំសារឿតបានបន្តថារូបចំលាក់ទាំង៣ដែលជាងធ្វើកន្លងមកវាខុសនិងរចនាបទពិតប្រាកដទាំងអស់ទើបលោកធ្វើថ្មីមកដាក់ជំនួសវិញលោកក៏បានធ្វើការបដិសេធនិងពាក្យចចាមអារាមថាវេទិការខេត្តបន្ទាយមានជ័យនេះទៅថ្ងៃមុខខេត្តនិងមានគំរោងការលក់វេទិការនេះទៅឲ្យឈ្មួញនេះជារឿងមិនពិតទេហើយទៅថ្ងៃមុខអាជ្ញាធរខេត្តមានគំរោងនិងចាក់ដីជុំវិញដើម្បីកែលំអរកន្លែងវេទិការនេះទៅជាកន្លែងលេងកំសាន្តព្រោះកន្លែងវេទិការជាកន្លែងបេះដូងរបស់ខេត្តមិនអាចលក់ដូរបានឡើយ៕
មតិយោបល់