ខេត្តប៉ៃលិន៖ បុរសញៀនថ្នាំដែលជាជនជាតិថៃម្នាក់ បែកគំនិតលួចម៉ូតូជនជាតិខ្មែរ ត្រួវបានសមត្ថកិច្ចកងរាជអាវុធហត្ថខេត្តប៉ៃលិន សហការជាមួយសមត្ថកិច្ចកងរាជអាវុធហត្ថស្រុកកំរៀង ធ្វើការឃាត់ខ្លួនតាមពាក្យបណ្តឹងរបស់ម្ចាស់ម៉ូតូ ពីបទលួច កាលពីព្រឹកថ្ងៃទី៣១ ខែមិនា ឆ្នាំ២០១៥ នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ ហេតុការណ៏ចាប់ឃាតខ្លួនចោរដែលជាជនជាតិថៃនេះ ធ្វើឡើងកាលពីវេលាម៉ោង២និង០០រសៀលថ្ងៃទី៣១ ខែមិនា ឆ្នាំ២០១៥ ស្ថិតក្នុងភូមិដួង ឃុំបឹងរាំង ស្រុកកំរៀង ខេត្តបាត់ដំបង ។
ជនសង្ស័យដែលជាចោរជនជាតិថៃឈ្មោះ ឆ័យ យ៉ានុត ភេទប្រុស អាយុ៣២ឆ្នាំ ជាជនជាតិថៃ រស់នៅភូមិប៉ានយ៉ក ឃុំមឿង ស្រុករ៉ាក់យ៉ង ខេត្តរ៉ាក់យ៉ង ប្រទេសថៃ ។ ចំណែកម្ចាស់ម៉ូតូមានឈ្មោះ ហ៊ុយ ប៊ុនថន ភេទប្រុស អាយុ៣៤ឆ្នាំ ជាទាហ៊ាន រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ,ចំណែកម៉ូតូដែលចោរជនជាតិថៃលួច ម៉ាកវ៉េវអាលហ្វា ពណ៌ខ្មៅ ពាក់ស្លាកលេខប៉ៃលិន1A-6503 ។
ប្រភពព័ត៌មានពីកន្លែងកើតហេតុ បានឲ្យដឹងថា៖មុនពេលកើតហេតុ គេឃើញជនសង្ស័យដែលជាជនជាតិថៃ ខាងលើដើរចេញចូលតាមច្រកទ្វារអន្តរជាតិព្រំជារៀងរាល់ថ្ងៃ ជាមនុស្សញៀនថ្នាំ មានស័ក្កពេញខ្លួនតាំងពីក្បាលរហូតដល់ជើង ហើយមួយថ្ងៃៗដើរពីកន្លែងមួយទៅកន្លែងមួយមិនដឹងមូលហេតុ ថានិងរកអ្វី ។ ប្រភពព័ត៌មានបន្តថា៖ ចោរឆ្លងដែននេះ បានមករស់នៅភូមិផ្សារព្រំជាងមួយឆ្នាំទៅហើយ ប៉ុន្តែចេញចូលៗ លុះនៅពេលកើតហេតុចោររូបនេះឃើញម៉ូតូជនរងគ្រោះទុកចោលនៅមុខផ្ទះ មិនឃើញម្ចាស់ ក៏ធ្វើសកម្មភាពលួចតែម្តង ។ ប្រភពព័ត៌មានបន្តទៀតថា៖ ពេលលួចបានជនសង្ស័យដែលជាចោរឆ្លងដែនរូបនេះ បានជិៈម៉ូតូមកទឹសខាងកើត បាត់ស្រមោល ហើយម្ចាស់ម៉ូតូក៏ដាក់ពាក្យបណ្តឹងទៅកងរាជអាវុធហត្ថខេត្តប៉ៃលិន រួចក៏ធ្វើការឃាតខ្លួនបាននៅស្រុកកំរៀងខេត្តបាត់ដំបង ។
លោកអនុសេនីយឯក ស៊ិន តាំង នាយការិយាល័យស្រាវជ្រាវបទល្មើស ព្រណ្មទ័ណ្ទនៃកងរាជអាវុធហត្ថខេត្តប៉ៃលិន បានឲ្យ ដឹងថា៖ ក្រោយពីទទូលពាក្យបណ្តឹងពីជនរងគ្រោះ ថាមានករណីចោរលួចម៉ូតូ នៅភូមិផ្សារព្រំ ហើយជនសង្ស័យជិៈសំដៅទៅស្រុកកំរៀង ខាងការិយាល័យលោក ក៏ធ្វើការសហការជាមួយកងរាជអាវុធហត្ថស្រុកកំរៀង ធ្វើការឃាត់ខ្លួនមុខសញ្ញាដែលជាចោរឆ្លងដែនបានសម្រេច នៅភូមិដួង ឃុំបឹងរាំង ស្រុកកំរៀង តែម្តង ។ លោកនាយការិយាល័យបន្តទៀតថា៖ ជនសង្ស័យដែលជាចោរឆ្លងដែនឈ្មោះ ឆ័យ យ៉ានុត ភេទប្រុស អាយុ៣២ឆ្នាំ ជាជនជាតិថៃ រស់នៅភូមិប៉ានយ៉ក ឃុំមឿង ស្រុករ៉ាក់យ៉ង ខេត្តរ៉ាក់យ៉ង ប្រទេសថៃ ។ ចំណែកជនរងគ្រដែលជាម្ចាស់ម៉ូតូមានឈ្មោះ ហ៊ុយ ប៊ុនថន ភេទប្រុស អាយុ៣៤ឆ្នាំ ជាទាហ៊ាន រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ហើយម៉ូតូដែលចោរជនជាតិថៃលួច ម៉ាកវ៉េវអាលហ្វា ពណ៌ខ្មៅ ពាក់ស្លាកលេខប៉ៃលិន1A-6503 ។ បច្ចុប្បន្នជនសង្ស័យដែលជាចោរឆ្លងដែនជនជាតិថៃ ត្រួវកម្លាំងការិយាល័យស្រាវជា្រវបទល្មើសព្រហ្មទ័ណ្ទ នៃបញ្ជាការដ្ឋានកងរាជអាវុធហត្ថខេត្ត រៀបចំាសំណុំរឿងបញ្ជូនទៅសាលាដំបូងខេត្តប៉ៃលិន ដើម្បីចាត់ការតាមនីតិវិធី ៕
ព័ត៌មានជាតិ
មតិយោបល់