ក្រុមហ៊ុនអេឡិតត្រូនិកយក្សរបស់កូរ៉េខាងត្បូង និងជាក្រុមហ៊ុនស្មាតហ្វូនធំលំដាប់ទី២នៅក្នុងពិភពលោក Samsung បានបង្ហាញឲ្យដឹងនៅថ្ងៃពុធនេះថា ប្រាក់ចំណេញត្រីមាសដើមឆ្នាំ ២០១៥ ធ្លាក់ចុះជិត ៤០ភាគរយ ព្រោះតែតម្រូវការស្មាតហ្វូនទាប ប៉ុន្តែរំពឹងថា នៅត្រីមាសបន្ទាប់នឹងកើនឡើងវិញ ដោយសារមាន Samsung Galaxy S6។
យោងតាមការបញ្ជាក់បានឲ្យដឹងថា នៅត្រីមាសចុងខែមីនា ឆ្នាំ ២០១៥ នេះ ក្រុមហ៊ុន Samsung ទទួលបានប្រាក់ចំណេញត្រឹមតែ ៤,៣ពាន់លានដុល្លារអាមេរិកប៉ុណ្ណោះ ដោយបានធ្លាក់ចុះ ៣៩ភាគរយ។ ការធ្លាក់ចុះនៃប្រាក់ចំណូលរបស់ Samsung នេះត្រូវបានគេមើលឃើញថា មកពីការកើនឡើងនូវអត្រានៃការលក់ស្មាតហ្វូនរបស់ក្រុមហ៊ុនចិន Xiaomi Corp និង Huawei ដែលជាអ្នកកាត់បន្ថយចំណូលរបស់ Samsung ៕
ព័ត៌មានជាតិ
មតិយោបល់