ភ្នំពេញ៖ តារាកំប្លែង ចម្រៀង និងសម្តែង លោក ចែម ចាន់តារា ហៅ នាយពែកមី មួយរយៈចុងក្រោយមកនេះ កាន់តែល្បីខ្លាំងឡើងៗ ទាំងការសម្តែងកំប្លែង ចម្រៀង និង ការដឹកនាំរឿង ។
កាលពីសប្តាហ៍មុន នាយពែកមី បានធ្វើការក្រុងពាលីរឿងថ្មីរបស់ខ្លួន ក្រោមចំណងជើងថា “ធូហ្វាដ័រ(2Father)” ក្រោមស្លាក់យីហោផលិតកម្ម អិលឌី ភីឈ័រ ។
ក៏ប៉ុន្តែបើយើងក្រឡេកទៅរឿងអតីតកាលនាយពែកមីវិញ ជាពិសេសពេលអំឡុងមានគូស្រករ មានមនុស្សតិចណាស់ ដែលបានដឹងបាន ឭពីរឿងរ៉ាវឯកជនរបស់នាយ។
ក្នុងបទសម្ភាសជាមួយនឹងកម្មវីធីទូរទស្សន៍ក្នុងស្រុកមួយ នាយ ពែកមីបានបរិយាយជីវិតអាពាហ៍ខ្លួនទាក់ទងនឹងថ្លៃទឹកដោះឲ្យដឹងថា “កាលពីខ្លួនចូលស្តីដណ្តឹងប្រពន្ធ ម្តាយក្មេករបស់ខ្លួន ទាថ្លៃទឹកដោះ តែ ៤០០ ដុល្លារនោះទេ ដោយស៊ីតែ ៥ តុតែប៉ុណ្ណោះ ” ។
នៅពេលដែលបានឃើញពីចំណុចនេះ ទស្សនិកមួយចំនួន ហាក់ដូចជាមិនជឿថា តារារូបនេះពេលរៀបការស៊ីតែ ៥ តុ ដែលស្មើនឹងកម្មវិធីសែនព្រេន យកគ្នាជាប្តីប្រពន្ធទៅហើយ ខណៈដែលលុយថ្លៃទឹកដោះរហូតដល់ទៅ ៤០០ដុល្លារ ដែលអាចយកមកធ្វើត្រឹម ១០ តុក៏បានដែរនោះ ។ ទោះបីជាយ៉ាងនេះក្តី យើងមិនទាន់អាចសុំការអធិប្បាយបន្ថែមពី តារារូបនេះ ថារឿងនោះ ជារឿងពិត ឬគ្រាន់តែនិយាយលេងឲ្យទស្សនិកជនចាប់អារម្មណ៍នៅលើកញ្ចក់ទូរទស្សន៍៕
មតិយោបល់