នេប៉ាល់៖ លោកតា Funchu Tamang វ័យ ១០១ឆ្នាំ ត្រូវបានជួយសង្គ្រោះចេញពីគំនរបាក់បែក បន្ទាប់ពីជាប់នៅក្នុងគំនរនោះអស់រយៈពេល ១សប្ដាហ៍ ដោយគាត់នៅមានជីវិត និងមានរបួសតិចតូចប៉ុណ្ណោះ នេះបើយោងតាមការចេញផ្សាយរបស់ BBC ចេញផ្សាយនៅថ្ងៃចន្ទទី០៤ ខែឧសភា ឆ្នាំ ២០១៥។
លោកតា Funchu Tamang ត្រូវបានក្រុមជួយសង្គ្រោះប្រទះឃើញនៅចម្ងាយប្រមាណជា ជិត ១០០គីឡូម៉ែត្រពីរដ្ឋធានី Kathmandu និងត្រូវបានបញ្ជូនទៅកាន់មន្ទីរពេទ្យនៅក្នុងស្រុក Nuwakot តាមរយៈឧទ្ធម្ភាគចក្រ។ គាត់ត្រូវបានមហាជននេប៉ាល់ចាត់ទុកថា ជាមនុស្សដែលមានសំណាងបំផុត ព្រោះជាប់នៅក្រោមគំនរបាក់បែកអស់រយៈពេល១សប្ដាហ៍ហើយ នៅតែមិនស្លាប់ ជាពិសេសគឺមិនមានរបួសធ្ងន់ធ្ងរ ជាពិសេសនៅពេលនេះ គឺគាត់មានសុខភាពល្អធម្មតា។
គួរបញ្ជាក់ផងដែរថា នៅពេលនេះចំនួនអ្នកស្លាប់បានកើនឡើងដល់ជាង ៧២០០នាក់ ហើយបើតាមការប៉ាន់ប្រមាណរបស់រដ្ឋាភិបាលនេប៉ាល់ អាចកើនឡើងរហូតដល់ជាង ១ម៉ឺននាក់៕
ព័ត៌មានជាតិ
មតិយោបល់