សៀមរាប៖នៅរសៀលថ្ងៃទី០៣ខែឧសភា ឆ្នាំ២០១៥នេះសមត្ថកិច្ចនគរបាលព្រហ្មទណ្ឌ កំរិតធ្ងន់ នៃស្នងការនគរបាល ខេត្តបានធ្វើការបង្ហាញមុខ ជនសង្ស័យ២នាក់ក្នុងចំណោម បក្សពួក១០នាក់ដែលបានគេចខ្លួនបាត់ខណះដែលបក្សពួករបស់គេបានជិះម៉ូតូ៤គឿងបាញ់បោះសេរីនៅចំកណ្តោលក្រុងសៀមរាប ហើយបណ្តាលរងរបួសមនុស្ស២នាក់ដែលជិះម៉ូតូធ្វើដំណើរនៅតាមដងផ្លូវ ម្នាក់ចំមួយគ្រាប់ធ្លាយពោះបណ្តាលរងរបួសធ្ងន់ធ្ងូផងដែរ។ ហេតុការបាញ់បោះសេរីនេះកើតឡើងនៅវេលាម៉ោង៧និង១៥នាទីយប់ថ្ងៃទី៣០ខែមេសាឆ្នាំ២០១៥នៅចំនុចលើផ្លូវប្រព័ន្ធក្នុងភូមិវត្តបូព៌ សង្កាត់សាលាកំរើក ក្រុងសៀមរាប ។ តាមប្រភពពីសមត្ថកិច្ចបានប្រាប់ ឲ្យដឹងតាមទូរសព្ទ័នៅរសៀលថ្ងៃទី០៣ខែ ឧសភាឆ្នាំ២០១៥ថា យោងតាមពាក្យបណ្តឹងរបស់ម្តាយជនរងគ្រោះទាំង២នាក់ ហើយនោះកម្លាំងជំនាញក៏បានចុះស្រាវជ្រាវ រហូតឈានដល់ធ្វើការឃាត់ខ្លួនបានជនសង្ស័យដែលបានបាញ់បោះសើរីមកលើជនរងគ្រោះ ចំនួន២នាក់។ នៅរសៀលថ្ងៃទី០១ខែឧសភាឆ្នាំ២០១៥សមត្ថកិច្ចបានបញ្ជូនខ្លួនជនសង្ស័យ បាញ់សើរីមកកាន់ការិយាល័យបន្ត ការសួរនាំនៅស្នងការ។ ជនសង្ស័យដែលធ្វើសកម្មភាពបាញ់បោះសើរីមកលើជនរងគ្រោះទាំង២នាក់ដែលសមត្ថកិច្ចជំនាញបានឃាត់ខ្លួនបានមានឈ្មោះ ទី១ កូវ បូសត្យា ហៅខ្ចា ភេទប្រុសអាយុ ២០ឆ្នាំមុខរបររត់តុការ រស់នៅភូមិខ្នារថ្មី សង្កាត់ជ្រាវ ប្រើប្រាស់អាវុធការ K៥៤ មួយដើមនិងជនសង្ស័យម្នាក់ទៀតឈ្មោះ កែវ វាសនា ភេទប្រុសអាយុ២០ឆ្នាំមុខរបរបុគ្គលិកសណ្ឋាគារ ហ្គូលអង្គរ (ជនសង្ស័យទាំង២នាក់ត្រូវតុលាការចោទពីបទប៉ុនប៉ងមនុស្សឃាត)ក្នុងចំណោមបក្សពួកចំនួន១០នាក់។ ប្រភពបន្តទៀតថា ជនសង្ស័យឈ្មោះកូវ បូសត្យា និងគូកនបានសារភាពនៅមុខសមត្ថកិច្ចថា ខ្លួនពិតជាបានប្រព្រឹត្តបទល្មើស ប៉ុនប៉ងឃាតកម្មដោយចេតនាពិតប្រាកដមែន តាមមាត្រា២៨និងមាត្រា២០០នៃក្រមព្រហ្មទណ្ឌ រូបគេបានទិញកាំភ្លើងពីឈ្មោះសិទ្ធក្នុងតម្លៃ៨០ដុល្លាមានគ្រាប់ចំនួន៧គ្រាប់ហើយសៀតជាប់ និងចង្កេះបានជិះម៉ូតូតាមពីក្រោយជនរងគ្រោះរួចដកកាំភ្លើងបាញ់សំដៅទៅរកជនរងគ្រោះតែម្តង។ចំណែក ជនរងគ្រោះមានឈ្មោះ ជូរ ឡាក់ស្តា ភេទប្រុសអាយុ១៤ឆ្នាំ មុខរបរសិស្សវិទ្យាល័យ១០មករា ស្នាក់នៅភូមិវត្តបូព៌ សង្កាត់សាលាកំរើក ក្រុងសៀមរាបដែលត្រូវគ្រាប់បៀមផ្នែកចង្កេះខាងក្រោយនិងម្នាក់ទៀតឈ្មោះ សុវណ្ណ លិ ភេទប្រុសអាយុ១៩ឆ្នាំមុខរបរសិស្សវិទ្យាល័យ១០មករា តែឈប់រៀន រងរបួសលើចង្កេះខាងឆ្វេងស្នាមគ្រាប់ចូលធ្លាយចេញមកខាងមុខត្រង់កណ្តៀតទឹកខាងស្តាំ។ គួរបញ្ជក់ផងដែរថានៅក្រុងសៀមរាបការបាញ់បោះសេរីដោយអ្នកមានអាវុធកាន់និងដៃគឺមិនដែលមានមកទេពីដើមមកនោះ តែពេលនេះមានហើយដូច្នេះត្រូវតែសមត្ថកិច្ចគួរតែមានវិធាន ការអោយបានខ្លាំង ពីព្រោះទីក្រុងសៀមរាបគឺជាទីក្រុងទេសចរណ៏ដ៏សំខាន់នៃព្រះរាជាណា ចក្រកម្ពុជាយើងកុំអោយភ្ញៀវជាតិនិងអន្តជាតិមកទស្សនាមានភិតភ័យអោយសោះ។ ចំណែកក្រុមបក្សពួកដែលបានប្រព្រឹត្តការបាញ់បោះសេរីធ្វើអោយមានរងរបួសដល់ ដល់ពីរ នាក់នោះសមត្ថកិច្ចកំពុងបន្តការតាមចាប់អោយទាល់តែបានយកផ្តល់ទាទោស។ ហើយនៅរសៀលថ្ងៃទី០៣ខែឧសភាឆ្នាំ២០១៥នេះសមត្ថកិច្ចព្រហ្មទណ្ឌកំរិតធ្ងន់បាន បញ្ជូន ជនសង្ស័យទាំងពីរទៅកាន់តុលាការដើម្បីចាត់ការទៅនិតិវិធីច្បាប់៕
ព័ត៌មានជាតិ
មតិយោបល់