ក្រចេះ៖ ជនជាតិវៀតណាមចំនួន៣នាក់ត្រូវបានមន្ត្រីគយចល័តនិងកម្លាំងកងរាជអាវុធហត្ថលើផ្ទៃប្រទេស បញ្ជូនខ្លួនទៅកាន់សាលាដំបូងខេត្តក្រចេះកាលពីព្រឹកថ្ងៃ០៥ខែឧសភា ពាក់ពន្ឋ័និងករណីជំនួញឈើខុសច្បាប់ដឹកចេញពីស្រុកស្នួលចូលទៅប្រទេសវៀតណាមកាលពីពេលកន្លងទៅ ។បុរសជាជនជាតិវៀតណាម ចំនួន៣នាក់នេះក្នុងនោះមានព្រូនិងអ្នកបើកររថយន្តកូរ៉េ គឺត្រូវក្រុមគយចល័តធ្វើការចាប់បង្ក្រាបបានកាលពីយប់ថ្ងៃទី២ ខែ ឧសភា នៅចំនុចគីឡូ មែត្រលេខ១២៩ ក្នុងភូមិសាស្ត្រ៏ ឃុំកាបី ស្រុកស្នួល ពាក់ពន្ឋ័ ជំនួញការនាំឈើខុសច្បាប់ ដឹកចេញពីតំបន់ព្រៃដែនជម្រកសត្វស្នួលក្នុងគោលដៅនាំឆ្ពោះទៅប្រទេសវៀតណាម តាមច្រករបៀង(ងាំ០៦) ។ ជាមួយនិងការចាប់បង្ក្រាបរបស់ក្រុមមន្ត្រីគយចល័ត សហការដោយកម្លាំងអាវុធហត្ថផ្ទៃប្រទេស លើការបើកយុទ្ឋនាការបង្ក្រាបទៅលើ រថយន្តដឹកឈើជាច្រើនគ្រឿងរបស់ លោក ហួត ប៊ុនគីម និង លោក ណាក់ មន្ត្រីយោធាដែលឈរជើងនៅតំបន់ខាងលើ គឺស្ទើតែមានការផ្ទុះអាវុធ ដាក់គ្នាទៅហើយនោះ ។ ក្រោយមកកម្លាំងរបស់លោក ក៍ចាប់ឃាត់បានរថយន្តដឹកឈើមួយគ្រឿងរួមនិងបុរសជនជាតិ វៀតណាមបីនាក់នេះនៅក្នុងចំណោមរថយន្តធំៗ ជាង១០គ្រឿងផ្សេងទៀតដែលបើកចូល ទឹកដីប្រទេសវៀតណាមរួចមក ។សមត្ថកិច្ចអះអាងថា ជនសង្ស័យជនជាតិវៀតណាមទាំងបីនាក់ពាក់ព័ន្ឋនិងជំនួញ ឈើខុសច្បាប់គឺ ត្រូវមន្ត្រីជំនាញខាងគយចល័ត បានកសាងសំណុំរឿងចាត់បញ្ជូន ខ្លួនទៅ កាន់សាលាដំបូងខេត្ត ដើម្បីចាត់វិធានការបន្តតាមផ្លូវច្បាប់
៕
ព័ត៌មានជាតិ
មតិយោបល់