នេប៉ាល់៖ យោងតាមសេចក្ដីប្រកាសរបស់កាកបាទក្រហមនេប៉ាល់ បានឲ្យដឹង​ថា ចំនួនមនុស្សស្លាប់ដោយសារគ្រោះរញ្ជូយដី​បានកើនឡើងដល់ ៨.៤១៣នាក់ និងអ្នករបួសកើនឡើងដល់ ១៧.៥៧៦នាក់ នេះបើយោងតាមការចុះផ្សាយរបស់ Channel News Asia ចេញផ្សាយ​នៅថ្ងៃទី​០៨ ខែឧសភា ឆ្នាំ ២០១៥។

នៅក្នុងសេចក្ដីប្រកាសបានឲ្យដឹងថា គិតមកដល់ពេលនេះ នៅមានមនុស្សជាង ២៦០នាក់ទៀត ត្រូវបានបាត់ខ្លួនខណៈដែលក្រុមជួយសង្គ្រោះជា
ច្រើន​បាននឹងកំពុងតែបន្តខិតខំស្វែងរក។ អង្គការសហប្រជាជាតិ បានប្រកាសឲ្យដឹងថា នៅពេលនេះ នេប៉ាល់កំពុងត្រូវការ​ជំនួយ​មនុស្សធម៌​យ៉ាង​ខ្លាំង ជាពិសេសគឺស្បៀងអាហារ ដែលជាតម្រូវការចាំបាញ់បំផុត៕