ក្រុមហ៊ុនលក់ទំនិញអនឡាញយក្សរបស់ចិន Alibaba Group Holding Ltd បានប្រកាសឲ្យដឹងថា ប្រាក់ចំណូលត្រីមាសដើមឆ្នាំ ២០១៥ នេះ កើន​ឡើង ៤៥នាក់ និងបានដោះដូរនាយកប្រតិបត្តិ (CEO)។

យោងតាមការប្រកាសបានឲ្យដឹងថា លោក Daniel Zhang បច្ចុប្បន្នមានតំណែងជាប្រធានចាត់ការទូទៅ (COO) នឹងត្រូវឡើងកាន់តំណែងជា​នាយកប្រតិបត្តិ (CEO) នៅថ្ងៃទី១០ ខែឧសភា ឆ្នាំ ២០១៥ ខាងមុខនេះ ជំនួសលោក Jonathan Lu ដោយលោក Jonathan Lu ត្រូវបាន​ក្រុមហ៊ុនតំឡើងតំណែងជា​អនុប្រធានក្រុមប្រឹក្សាភិបាល។

សម្រាប់ត្រីមាស ៣ខែដំបូងដើមឆ្នាំ ២០១៥ នេះ ក្រុមហ៊ុន Alibaba រកចំណូលបាន ២,៨ពា់លានដុល្លារអាមេរិក ដោយបានកើនឡើង ៤៥ភាគរយ និង​លើសពីការព្យាករណ៍របស់ក្រុមអ្នកវិភាគ៕