ភ្នំពេញ៖ កន្លងមក វង្ស ដារ៉ារតនា ដែលជាបេក្ខជន Thevoice Cambodia ធ្លាប់សរសេរលើហ្វេសប៊ុកខ្លួនថា ៖ នឹងមានថ្ងៃណាមួយ ខ្លួននឹងសម្រេចគោលដៅខ្លួនឲ្យបាន នោះគឺជាគោលដៅជោគជ័យលើវីថីឧស្សាហកម្មកម្សាន្ត ។
សូមរំឭកថា ក្នុងចំណោមបេក្ខជន ទាំងអស់នោះ មានតែ វង្ស ដារ៉ារតនា តែម្នាក់គត់ ដែលមានសន្ទុះសំលេងរិះគន់ច្រើនជាងគេ ក្នុងអំឡុងពេលប្រឡងក្នុងកម្មវិធីលំដាប់ពិភពលោក Thevoice Cambodia ។ ក៏ប៉ុន្តែសំលេងរិះគន់នេះ ត្រូវបានអ្នកវិភាគ ផ្នែកឧស្សាហកម្មកម្សាន្តយល់ឃើញថា វាជាសំលេងមួយដែល ធ្វើឲ្យអ្នកតាមដានសង្គមសិល្បៈ ស្គាល់រូបរាង និងទឹកដមសំនៀង តារារូបនេះ កាន់តែច្បាស់ ទៅវិញនោះទេ ។
ដូចអ្វីដែលយើងឃើញស្រាប់ហើយ ក្រោយភ្លៀងមេឃស្រឡះ មិនមែនក្រោយភ្លៀងទឹកលេចផ្លូវនោះទេ ហើយសំលេងរិះគន់នោះ វាបានប្រែក្លាយទៅជាកម្លាំងចិត្តទៅវិញ សម្រាប់ វង្ស ដារ៉ារតនា រហូតចេញបទចម្រៀងមួយបទដ៏ក្រអួនក្រអៅ ក្រោមទ្រនំផលិតកម្មកូនពៅបំផុតរបស់ហង្សមាស We Production ក្រោមចំណងជើងថា «ស៊ូឃ្លាត» ។ ជាមួយនឹងបទ «ស៊ូឃ្លាត» នេះកំពុងតែធ្វើឲ្យអ្នកលេងបណ្តាញសង្គមយក្ស ចាប់អារម្មណ៍ នឹងសរសើរ មិនដាច់ពីមាត់ថា ពិតជាពិរោះ ហើយអ្វីដែលកាន់តែពិសេស គឺបទ «ស៊ូឃ្លាត» ជាស្នាដៃកូនខ្មែរ ដែលនិពន្ធដោយ Tin Mak ៕
ស្តាប់បទចម្រៀង «ស៊ូឃ្លាត» ដូចខាងក្រោមនេះ៖
មតិយោបល់