ភ្នំពេញ៖ សាលារាជធានាភ្នំពេញ នៅថ្ងៃចន្ទ ទី១១ ខែឧសភា ឆ្នាំ ២០១៥ នេះ បានចេញសេចក្ដីជូនដំណឹងដល់ម្ចាស់រថយន្តដឹកទំនិញគ្រប់ប្រភេទ និងសាធារណជនឲ្យបានជ្រាបថា រាល់រថយន្តដឹកទំនិញទាំងអស់ នឹងមិនអនុញ្ញាតឱ្យធ្វើចរាចរណ៍ នៅលើកំណាត់ផ្លូវជាតិលេខ១ចាប់ពីចំណុចគល់ស្ពានព្រះមុនីវង្ស រហូតដល់វត្តក្តីតាកុយ ដោយត្រូវវាងតាមស្ពានព្រែកសំរោង ក្រុងតាខ្មៅវិញ ដើម្បីបន្ថយការកកស្ទះចរាចរណ៍ ខណៈដែលកំណាត់ផ្លូវនេះ កំពុងតែសាងសង់ពង្រីកឱ្យធំជាងមុន។
ការចេញសេចក្ដីជូនដំណឹងនេះ ដោយសារតែបច្ចុប្បន្នក្រុមជំនាញកំពុងពង្រីកផ្លូវខាងលើផ្លូវនេះ ហើយជួបប្រទះទៅនឹងបញ្ហាកកស្ទះចរាចរណ៍យ៉ាងធ្ងន់ធ្ងរជារៀងរាល់ថ្ងៃ ដែលធ្វើឱ្យគម្រោងពង្រីកផ្លូវលេខ១ អាចនឹងមិនបញ្ចប់តាមការកំណត់៕
មតិយោបល់