សុខភាព៖ ក្រុមអ្នកជំនាញផ្នែកអាហារព្យាបាលរោគបានណែនាំថាមនុស្ស យើងគួរផឹកទឹកតែ ក្នុងមួយថ្ងៃមិនទាបជាងបីកែវ ព្រោះក្រៅពីផ្តល់ឲ្យនូវ គុណភាពប្រយោជន៍ដល់រាងកាយមិនចាញ់ការទទួលទានទឹកហើយនោះថែមទាំងមានគុណភាពដទៃយ៉ាងពិសេសទៀតផង។
លទ្ធផលការពិសោធន៍ដែលបានចុះផ្សាយនៅក្នុងទស្សនាដ្តីមួយឈ្មោះអាហារសាស្ត្រ និងគ្លីនិក បានបដិសេធជំនឿរបស់មនុស្សទូទៅដែលយល់ថាការទទួលទានទឹកតែធ្វើឲ្យរាងកាយបាត់បង់ជាតិទឹក។
ការពិតទឹកតែមិនផ្តល់ទោសនៅក្នុងរឿងនេះប្រហាក់ប្រហែលគ្នាទៅនឹងការទទួលទឹកធម្មតា ដែលក្រៅពីនោះវាថែមទាំងជួយការពាររោគបេះដូង និងរោគមហារីកប្រភេទខ្លះទៀតបានទៀតផង។
អ្នកជំនាញមានជំនឿថាគុណភាពក្នុងរឿងនេះស្ថិតនៅត្រង់សារជាតិ ហ្លាវ៉ូណយ ដែលជាសារជាតិរួមផ្សំនៅក្នុងរុក្ខជាតិតែ។ ក្រៅពីនោះសារជាតិប៉ូលីហ្វីណល់ក៏ជាសារជាតិទប់ស្កាត់ពពួកអង់ទីអុកស៊ីដែនដែលមាននៅក្នុងអាហារ នឹងរុក្ខជាតិជាច្រើនយ៉ាង។ លើសពីនោះទៅទៀតវាជួយរក្សាកោសិកា មិនឲ្យត្រូវបានបំផ្លាញរហូតបែកក្លាយទៅជារោគមហារីកទៀតផង។
វេជ្ជបណ្ឌិតជាច្រើន បានយល់ឃើញថា ការទទួលទានទឹកតែល្អជាងទឹកបរិសុទ្ធព្រោះទឹកភាគច្រើនចូលទៅសងជំនួសការបាត់បង់សារជាតិរាវនៅក្នុងរាងកាយស្របពេលដែលទឹកតែវិញក្រៅពីសងជំនួសសារជាតិហើយនោះថែមទាំងអាចទប់ស្កាត់ពពួកអង់ទីអុកស៊ីដែនបានទៀតផង៕
មតិយោបល់