លោក Sepp Blatter ប្រធាន FIFA បាននិយាយថា លោកនឹងលាឈប់ពីតំណែង​ ដោយសារតែរឿងអំពើ​រលួយរបស់មន្ត្រីកំពូលៗ FIFA។

យោងតាមការចុះផ្សាយរបស់​ BBC បានឲ្យដឹងថា លោក Sepp Blatter ដែលទើបជាប់ឆ្នោត​អាណត្តិថ្មី ​នឹង​លាឈប់ពីប្រធាន FIFA ក្នុងពេលឆាប់ៗ តាមតែអាចធ្វើទៅបាន ព្រមទាំងស្នើឲ្យ​បោះឆ្នោតជ្រើសរើស​ប្រធាន FIFA ថ្មី។

គួរបញ្ជាក់ផងដែរថា ថ្មីៗនេះ នៅក្នុងស្ថាប័ន​ FIFA បានផ្ទុះរឿងដ៏ធំពាក់ព័ន្ធនឹងអំពើពុករលួយដែលមាន​មន្ត្រី​កំពូល FIFA ប្រមាណជា ១៤រូបជាប់ពាក់ព័ន្ធ​នឹង​រឿងនេះ ជាមួយនឹងទឹកប្រាក់ ១៥០លានដុល្លារអាមេរិក៕