ចិន៖ អាជ្ញាធរចិនបានបញ្ជាក់ឲ្យដឹង​នៅ​ព្រឹក​ថ្ងៃ​នេះ​ថា ​មាន​សាក​សព​ចំនួន ​៤៣២នាក់​ ត្រូវ​បាន​រក​ឃើញ ​ខណៈ​ដែល​បាត់​ខ្លួន​មនុស្ស​ ១០​នាក់​ នៅ​ក្នុង​ហេតុការ​លិច​នាវា​​ដឹក​អ្នក​ដំណើរ​ប្រមាណ​ជា ​៤​៥៦​នាក់ ​នៅ​ក្នុង​ទន្លេ​ Yangtze River​។​

គួរបញ្ជាក់ផងដែរថា ក្រោយពីលិចនាវា ដឹកអ្នកដំណើរនៅក្នុងទន្លេ Yangtze River មក រដ្ឋាភិបាលចិន បានបញ្ជាក់ឲ្យក្រុមជួយសង្គ្រោះ ទាហារ និងកងកម្លាំងជាច្រើននាក់ចូលរួមជួយប្រតិបត្តិការជួយសង្គ្រោះ ស្វែងរកមនុស្ស និងស្រងនាវា ដោយក្នុងនោះមាននាវា ១៥០គ្រឿង ត្រូវបានប្រើនៅក្នុងប្រតិបត្តិការ ជាមួយនឹងទាហារ និងកងកម្លាំង ជិត៥ពាន់នាក់៕