បញ្ហារលកកម្តៅ នៅឥណ្ឌា សម្លាប់មនុស្សជាង ២ ពាន់នាក់ បញ្ហារញ្ជួយដីនៅនេប៉ាល់សម្លាប់មនុស្សជាង ៥ ពាន់នាក់ ដែលជាចំនួនបណ្តោះអាសន្ន បញ្ហាជំងឺផ្លូវដង្ហើម MERS នៅកូរ៉េខាងត្បូង និង បញ្ហាជាច្រើន ដែលកំពុងបង្កភាពវឹកវរ ដល់ភពផែនដី ខណៈដែលទំនាយថា ទឹកនឹងអស់ពីភពផែនដី ក្នុងពេលដ៏ឆាប់ខាងមុខនេះ ។
បញ្ហាទាំងនេះ វាបានកើតឡើង ដោយសារតែការកាប់ព្រៃឈើ ការជីកយករ៉ែក្រោមដី និង ការកើនឡើងនូវឧស្សាហកម្មផ្សែង ហើយនិងការកើនឡើងនូវការប្រើប្រាស់យានយន្ត បូករួមទាំងប្រេងឥន្ធនៈ ផងដែរ ។
បញ្ហាទាំងនេះ កំពុងតែធ្វើឲ្យមនុស្សលើភពផែនដី មានការព្រួយបារម្ភ ស្របពេលដែល ប្រទេសមហាអំណាចពិភពលោក កំពុងរកវិធានការទប់ស្កាត់ លើបញ្ហាទាំងនេះ ដោយធ្វើឡើងគ្រប់រូបភាព ។
សញ្ញាទាំងនេះ ក៏ត្រូវបានគេលើកយកបទចម្រៀងរបស់ តារាចម្រៀងប៉ុបអាម៉េរិក លោក Michael Jackson ក្រោមចំណងជើងថា « Earth Song » មកធៀប ដែលជាបទចម្រៀងមួយបទ និយាយពី បញ្ហាការកាប់បំផ្លាញព្រៃឈើ ដែលបង្ករឲ្យ ពិភពលោក បង្ករព្យុះភ្លើង គ្រោះរាំងស្ងួត បាត់បង់អ្វីៗគ្រប់យ៉ាង នូវភាពស្រស់បំព្រង លើផែនី ដែលធ្លាប់ឃើញ ។
មានសំនួរជាច្រើនសួរថា វាមហន្តរាយនៃភពផែនដីឬ ?
មានវីដេអូជាច្រើន បានបង្ហាញថា ភពផែនដីនឹងបំផ្លាញក្នុងឆ្នាំ ២០៣២ ដោយកន្លងមកក៏មានព័ត៌មានវីដេអូបង្ហាញថា ផែនដីនឹងរលាយនៅឆ្នាំ ២០១២ ក៏ប៉ុន្តែ ទាំងនេះវាមិនបានកើតឡើងនោះទេ ហើយក៏មិនទាន់មានការអះអាងពីអង្គការ NASA នឹងរលាយនោះដែរ ខណៈដែលព័ត៌មានចចាមអារាមនេះកំពុងរីករាលដាល ។
បញ្ហាខាងលើ ត្រូវបានបូកសរុបលទ្ធផលថា មកពីការបំផ្លាញ ច្រើនជាង ការថែរក្សា ឬ កាប់ច្រើនជាង ដាំ ពោលគឺ ដាំមួយដើម កាំ ១ពាន់ដើម តើធម្មជាតិឯណាអាចនៅស្ថិតស្ថេរនោះ ៕
ទស្សនាបទចម្រៀងដូចខាងក្រោមនេះ៖
មតិយោបល់