អ្នកនាំពាក្យរបស់កំពូលតារាសម្ដែង Sylvester Stallone ហៅ «រ៉ាំបូ» បានឲ្យដឹងថា តារាសម្ដែងរូបនេះ នឹងថតរឿងថ្មី ដែលនៅក្នុងសាច់រឿងនោះគឺប្រយុទ្ធប្រឆាំងនឹងក្រុមរដ្ឋឥស្លាមផ្ដាច់ខ្លួន ISIS។

រឿងថ្មីដែលនឹងត្រូវថតនៅក្នុងពេលឆាប់ៗនោះ មានចំណងជើងថា «Rambo: Last Blood» ដែលរឿងនេះ តួអង្គ រ៉ាំបូ ត្រូវប្រយុទ្ធជាមួយនឹងក្រុម ISIS។ តាមពិតទៅរឿងមួយគ្រោងចាប់ផ្ដើមថតតាំងពីដើមឆ្នាំ ២០១៥ ប៉ុន្តែក្រោយមកពន្យារដល់ចុងឆ្នាំនេះ ហើយនៅពេលនេះ ក៏នៅមិនទាន់ដឹងច្បាស់ពីកាលបរិច្ឆេទច្បាស់ដែរ ប៉ុន្តែអ្នកនាំពាក្យរបស់ឲ្យដឹងថា នឹងចាប់ផ្ដើមថតឆាប់ៗនេះ។
គួរបញ្ជាក់ផងដែរថា ភាពយន្តរ៉ាំបូ វគ្គចុងក្រោយបំផុតគឺចាក់ផ្សាយ និងដាក់បញ្ចាំងនៅក្នុងឆ្នាំ ២០០៨ ហើយក្រោយពីនោះមក លោក Sylvester Stallone ក៏បានផ្អាកមួយរយៈដោយសារតែជាប់ថតរឿង Expendables ដែលជាសាច់រឿងមួយប្រជុំទៅដោយកំពូលតារាភាពយន្តល្បីៗ៕
ទស្សនាវីដេអូឃ្លិបដូចខាងក្រោមនេះ៖