ក្រុមហ៊ុន Apple បានប្រកាសឲ្យដឹងថា នៅត្រីមាសទី៣ ខ្លួនលក់ iPhone បានចំនួន ៤៧,៥លានគ្រឿង ដោយបានកើនឡើង ៣៥ភាគរយ បើធៀបនឹងឆ្នាំមុន ខណៈដែលការលក់ម៉ាស៊ីន Mac បានចំនួន ៤,៨លានគ្រឿង ដោយបានកើនឡើង ៩ភាគរយ។

យោងតាមការចុះផ្សាយរបស់ BBC បានឲ្យដឹងថា ប្រាក់ចំណេញបានកើនឡើង ៣៨ភាគរយ គិតជាទឹកប្រាក់មានចំនួន ១០,៧ពាន់លានដុល្លារអាមេរិក ខណៈដែលប្រាក់ចំណូលទទួលបាន ៤៩,៦ពាន់លានដុល្លារអាមេរិក កើនឡើង ៣៣ភាគរយ។
លោក Tim Cook នាយកប្រតិបត្តិ Apple បានឲ្យដឹងថា ត្រីមាសនេះគឺជាត្រីមាសដ៏អស្ចារ្យបំផុត និងរំពឹងថា ត្រីមាសក្រោយនឹងកាន់តែប្រសើរជាងនេះ៕