ច្បាប់នៃបណ្ដាប្រទេសមួយចំនួនបានកំណត់ និងពិន័យទៅកាន់អ្នកផ្ញើសារពេលកំពុងតែបើកបរ ប៉ុន្តែមិនបានចេញច្បាប់សម្រាប់អ្នកផ្ញើសារពេលកំពុងដើរនោះទេ។
បើទោះបីជាច្បាប់មិនទាន់បានកំណត់ក្ដី ប៉ុន្តែនៅពេលនេះ ក្រុមហ៊ុនផ្ដល់សេវកម្មទូរស័ព្ទទូរស័ព្ទជប៉ុន DoCoMo បានបង្ហាញនូវស្មាតហ្វូនប្រើប្រាស់ប្រព័ន្ធដំណើរការ Android ប្រភេទថ្មីដែលមានលក្ខណៈពិសេសក្នុងតាមដានដឹងថា អ្នកប្រើកំពុងតែផ្ញើសារពេលកំពុងដើរ។
បើយោងតាមសេចក្ដីប្រកាសបានឲ្យដឹងថា នៅរាល់ពេលដែលអ្នកប្រើប្រាស់ផ្ញើសារខណៈពេលកំពុងដើរ ស្មាតហ្វូនមួយនេះវានឹងចាក់ចោរដោយស្វ័យប្រវត្តិ ហើយធ្វើការបិទចោលនូវកម្មវិធីផ្ញើសារ លុះត្រាតែអ្នកផ្ញើសារឈប់ដើរ ទើបវាបង្ហាញកម្មវិធីនោះឡើងវិញ។
បើទោះបីជាយ៉ាងនេះក្ដី គេនៅទាន់ដឹងថា ស្មាតហ្វូននោះ មានឈ្មោះអ្វីនោះទេ ព្រោះថានៅពេលនេះ DoCoMo បានលាក់មិនទាន់បង្ហើបឲ្យដឹង៕
ទស្សនាវីដេអូឃ្លិបដូចខាងក្រោមនេះ៖
មតិយោបល់