អាជ្ញាធររាជធានីភ្នំពេញ នឹងបង្រួមតំបន់ក្រហមដោយកន្លែងមកជាចំនុចតូចៗ និងទៅតាមខ្នងផ្ទះ ហើយកែប្រែតំបន់លឿងទុំ មកជាតំបន់លឿង ដើម្បីផ្ដល់ភាពងាយស្រួលក្នុងការត្រួតពិនិត្យនិងគ្រប់គ្រង

នារសៀលថ្ងៃពុធ ០៨កើត ខែជេស្ឋ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី១៩ ខែឧសភា ឆ្នាំ២០២១នេះ ឯកឧត្ដម ឃួង ស្រេង អភិបាល នៃគណ:អភិបាលរាជធានីភ្នំពេញ និងជាប្រធានគណ:បញ្ជាការឯកភាពរាជធានីភ្នំពេញ បានបើកកិច្ចប្រជុំគណ:បញ្ជាការឯកភាពរាជធានីភ្នំពេញ តាមរយ:ការបញ្ជូនរូបភាព និងសម្លេង ( Video Conference ) ស្ដីពីការត្រួតពិនិត្យការងារនៃការបិទខ្ទប់ក្នុងមូលដ្ឋាន និងកិច្ចការបង្រួមតំបន់ក្រហមដោយកន្លែងមកជាចំនុចតូចៗ និងទៅតាមខ្នងផ្ទះ ហើយកែប្រែតំបន់លឿងទុំ មកជាតំបន់លឿង ដើម្បីផ្ដល់ភាពងាយស្រួលក្នុងការត្រួតពិនិត្យនិងគ្រប់គ្រង។

យើងទាំងអស់គ្នាត្រូវចូលរួមអនុវត្តតាមវិធានការរបស់ក្រសួងសុខាភិបាល និងចូលរួមគោរពតាមអនុសាសន៍ដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ” បីការពារ បីកុំ “៕

ប្រភព: រដ្ឋបាលរាជធានីភ្នំពេញ