(ណៃពិដោ)៖ លោកស្រី អោង សាន ស៊ូជី នៅថ្ងៃច័ន្ទ ទី២៤ ខែឧសភា ឆ្នាំ២០២១នេះ បានបង្ហាញវត្តមានផ្ទាល់ជាលើកដំបូង នៅក្នុងតុលាការ គិតចាប់តាំងតែពី រដ្ឋាភិបាលស៉ីវិលរបស់លោកស្រី ត្រូវបានយោធាមីយ៉ាន់ម៉ាធ្វើរដ្ឋប្រហារទម្លាក់ កាលពីថ្ងៃទី០១ ខែកុម្ភ:កន្លងទៅ។
មេធាវីលោកស្រី បានប្រាប់ទីភ្នាក់ងារព័ត៌មាន Reuters ថា លោកស្រី ស៊ូ ជី មើលទៅមានសុខភាពល្អធម្មតា ហើយក៏បានជួបពិភាក្សា ទល់មុខគ្នា ជាមួយក្រុមមេធាវីលោកស្រី រយ:ពេលប្រមាណជា៣០នាទីផងដែរ មុនចូលបង្ហាញខ្លួនចំពោះតុលាការ។
លោកស្រី ស៊ូ ជី ស្ថិតក្នុងចំណោមមនុស្សជាង ៤,០០០នាក់ ដែលត្រូវបានឃាត់ខ្លួន ចាប់តាំងពីរដ្ឋប្រហារបានផ្ទុះឡើង ហើយលោកស្រីប្រឈមការចោទប្រកាន់ពីបទល្មើសជាច្រើន រួមមានចាប់ពីការកាន់ឧបករណ៍ទាក់ទងខុសច្បាប់ រហូតដល់ការបំពានច្បាប់ការពារកិច្ចការសម្ងាត់រដ្ឋ។ យោធាមីយ៉ាន់ម៉ា បានទម្លាក់រដ្ឋាភិបាលលោកស្រី ហើយឡើងកាន់អំណាច ក្រោមការចោទប្រកាន់ថា មានការបន្លំក្នុងការបោះឆ្នោត ដែលគណបក្សលោកស្រីទទួលជ័យជម្នះ កាលពីខែវិច្ឆិកា ឆ្នាំ២០២០៕
Reuters
មតិយោបល់