ភាពតានតឹងកើនឡើងនៅក្នុងរដ្ឋធានី របស់ប្រទេសអ៊ីរ៉ាក់កាលពីថ្ងៃពុធ បន្ទាប់ពីការចាប់ខ្លួនមេបញ្ជាការកងជីវពល ពាក់ព័ន្ធបទចោទប្រកាន់អំពើភេរវកម្ម ដែលជំរុញឲ្យផ្ទុះជាជម្លោះដ៏គ្រោះថ្នាក់ ដោយក្រុមអ្នកគាំទ្រទាហានប៉ារ៉ារបស់អ្នកទោសរូបនេះ និងរដ្ឋាភិបាលអ៊ីរ៉ាក់។
វិធានការសន្តិសុខដែលមានរឹតបន្តឹងខ្លាំង ត្រូវបានអនុវត្តនៅក្នុងទីក្រុងបាដាដកាលពីព្រលប់ថ្ងៃពុធ ហើយគេបានឃើញទាហានកំពុងរាតត្បាត នៅតំបន់ផ្សេងៗក្នុងទីក្រុងនេះ។ យោធាអ៊ីរ៉ាក់បាននិយាយនៅសេចក្ដីថ្លែងការណ៍មួយថា ការប្រឈមដាក់គ្នានេះបានចាប់ផ្ដើម បន្ទាប់ពីចាប់ខ្លួនមេដឹកនាំក្រុមកងជីវពលកាលពីព្រលឹមស្រាងៗ លោក កាស៊ីម មហាមូត ម៉ូស្លេ ដោយផ្អែកលើការស៊ើបអង្កេតរបស់តុលាការ និងដីការចាប់ខ្លួនពីបទចោទប្រកាន់អំពើភេរវកម្ម។ លោក ម៉ូស្លេ គឺជាប្រមុខដឹកនាំកងកម្លាំងចលនាប្រជាជនក្នុងខេត្តអាន់បា។
មេដឹកនាំរូបនេះ ស្ថិតក្នុងចំណោមសមាជិកដ៏មានឥទ្ធិពលបំផុតរបស់ក្រុមនេះ ដែលត្រូវបានគាំទ្រដោយក្រុមកងជីវពលនិកាយស៊ីអ៊ីត ជ្រោមជ្រែងដោយអ៊ីរ៉ង់។ ភាពតានតឹងបានឈានដល់ចំណុចក្ដៅ នៅពេលដែលកងកម្លាំងសន្តិសុខអ៊ីរ៉ាក់ និងអង្គភាពកងទ័ពសម្រាំងប្រឆាំងភេរវកម្ម ត្រូវបានបញ្ជូនទៅការពារបេសកកម្មរដ្ឋាភិបាល និងបេសកកម្មការទូតកំពុងបង្កឲ្យមានក្ដីបារម្ភខ្លាំងអំពីអំពើហិង្សា៕
មតិយោបល់