(កូរ៉េ)៖ តារាចម្រៀងស្រី Joy សមាជិកក្រុម Red Velvet នឹងឡើងសម្តែងបទចម្រៀងទោលថ្មី «Hello» របស់នាងជាលើកដំបូងលើឆាកនៃទូរទស្សន៍ល្បីរបស់កូរ៉េ KBS ខណៈការសម្តែងនេះ នឹងត្រូវធ្វើឡើងក្នុងថ្ងៃទី០៤ ខែមិថុនាតែម្តង ដែលជាថ្ងៃបញ្ចេញជាផ្លូវការនៃវីដេអូចម្រៀង «Hello»។

ក្រោយបញ្ចប់ការសម្តែងនៅ KBS នាងនឹងបន្តទៅសម្តែងនៅ MBC នៅថ្ងៃទី៥ ខែមិថុនា និងនៅ SBS នៅថ្ងៃទី៦មិថុនា សម្រាប់ទាល់ប៊ុមចម្រៀងពិសេស «Hello»។ គ្រាន់តែចំណងជើងចម្រៀងមួយនឹង ត្រូវបានអ្នកគាំទ្រនិយាយជាបន្តបន្ទាប់ថា វានឹងក្លាយជាអាល់ប៊ុមចម្រៀងដែលពោរពេញដោយថាមពល និងខ្លឹមសារដែលមានក្តីសង្ឃឹម រួមផ្សំជាមួយនឹងសំឡេងពិរោះមានទឹកដមរបស់ Joy ផងនោះ។

ម៉្យាងវិញទៀត Joy នឹងធ្វើការបង្ហាញខ្លួនជាភ្ញៀវកិត្តិយសក្នុងកម្មវិធីវិទ្យុ Cult របស់កម្មវិធី SBS Power FM នៅថ្ងៃទី ៣ ខែមិថុនាវេលាម៉ោង ២ រសៀល (ពេលវេលានៅកូរ៉េ)៕

ប្រភព៖ Koreaboo