នៅថ្ងៃទី១៨ ខែមិថុនា ឆ្នាំ២០២១ អង្គភាពកងការពារព្រំដែនលេខ៥០១ ក្រោមការ ដឹកនាំបញ្ជា ពីសំណាក់លោក មេបញ្ជាការ កងការពារព្រំដែនលេខ៥០១ វរសេនីយ៍ឯក ចាន់ ប៊ុនឌី។ កងកម្លាំងត្រូវបានត្រួតពិនិត្យ១០០%នៅហ្នឹងកន្លែង និងបន្តការងារល្បាតតាមខ្សែបន្ទាត់ព្រំដែនកម្ពុជា-ថៃ ដោយសហការជាមួយកម្លាំងនគរបាលការពារព្រំដែនលេង៨២៥។

នៅទីបញ្ជាការកង សកម្មភាពកសាងអភិវឌ្ឍអង្គភាពក៏បាននឹងកំពុងមមាញឹក បន្ថែមទៀត កងកម្លាំងបានបន្តការងារ ដឹកជញ្ជូនថ្ម-ខ្សាច់ និងសម្ភារសំណង់ដើម្បីកសាងអគារស្នាក់នៅរបស់ទ័ព ស្របតាមអនុសាសន៍ណែនាំដ៏ខ្ពង់ខ្ពស់ពីសំណាក់ ឯកឧត្តម មេបញ្ជាការកងទ័ពជើងគោក ដោយធ្វើយ៉ាងណាដោះស្រាយគ្រប់លទ្ធភាពដល់កងទ័ព ឲ្យមានជម្រកស្នាក់នៅសមរម្យ និងហូបចុកបានគ្រប់គ្រាន់៕