សណ្តែកបណ្តុះ បន្លែដែលយើងធ្លាប់ស្គាល់ និងធ្លាប់បានបរិភោគមកយូរហើយ តើអ្នកដឹងទេថា សណ្តែកបណ្តុះមានគុណប្រយោជន៏យ៉ាងណាខ្លះ?ជនជាតិចិនបុរាណប្រើប្រាស់សណ្តែកសៀងបណ្តុះជាប្រភពនៃវិតាមីនC នៅក្នុងរដូវរងាដែលពេលនោះបន្លែផ្លែ
ឈើពិបាករកបាន ជាពិសេសពួកអ្នកដើរទូកនេសាទតែងបណ្តុះសណ្តែកទុកបរិភោគនៅលើទូកដើម្បីការពារ និងព្យាបាលរោគខ្វះវិតាមីនC ដោយសាតែបានដឹងច្បាស់ថា សណ្តែកសៀងបណ្តុះមានវិតាមីនC ចំណែកឯសណ្តែកសៀងឆៅ និងតៅហ៊ូដែលផលឹតពីសណ្តែកសៀងក៏មិនមែនអត់វិតាមីនCដែរ។
នៅពេលយកសណ្តែកសៀងមកបណ្តុះធ្វើជាសណ្តែកបណ្តុះនឹងមានវិតាមីនCខ្ពស់ (សណ្តែកបណ្តុះ100ក្រាម
មានវិតាមីនC 5មិល្លិក្រាម) ចំណែកប្រូតេអ៊ីននៅក្នុងសណ្តែកបណ្តុះវិញមានច្រើនជាងសណ្តែកធម្មតាបន្តិចបន្តួចប៉ណ្ណោះ ។
ក្រៅពីនោះការបណ្តុះលាស់ឡើងនៅបានធ្វើឲ្យ កើតមានវិតាមីនB12 ដែលចាំបាច់សំរាប់ការរីកធំធាត់ និងជួសជុលប៉ះប៉ូវសេលល៏ផងដែរ។សណ្តែកបណ្តុះមានសារធាតុដែកដែលរាងកាយអាចរំលាយបានងាយជាងបន្លែដទៃទៀត មានវិតាមីនB17 និងសារធាតុ លេស៊ីធីន(Lecithin) ជួយបំប៉នប្រព័ន្ធប្រសាទ និងការធ្វើការងាររបស់ខួរក្បាល អ្វីដែលសំខាន់ និងគួរឲ្យចាប់អារម្មណ៏បំផុតសំរាប់កំលោះ ក្រមុំដែលមិនចង់ឆាប់ចាស់នោះ សណ្តែកបណ្តុះស្រស់ៗមានថាមពលជីវឹតដែលនឹងធ្វើឲ្យរាងកាយស្រស់ថ្លា មិនងាយចាស់ ដោយសាតែនៅក្នុងសណ្តែកបណ្តុះមានសារធាតុប្រឆាំងភាពចាស់ជរាមួយឈ្មោះថា អុកស៊ីណុន(Auxinon)មានគុណសម្បត្តិជួយឲ្យរាងកាយនៅកំលោះក្រមុំបានយូរ មិនចាស់លើសអាយុមុនពេលវេលា ។
សណ្តែកបណ្តុះជាប្រភពនៃវិតាមីន ផ្នែកវេជ្ជសាស្រ្តរបស់ចិនបានណែនាំឲ្យយកសណ្តែកបណ្តុះក្បាលធំទៅស្ងោរបរិភោគ ជួយបណ្តេញស្លេស្ម ធ្វើឲ្យសួតធូរស្រឡះ និងបណ្តេញទឹកនោម ហើយដោយសាតែម៉ូលេគុលរបស់សារធាតុអាហារនៅក្នុងគ្រាប់របស់សណ្តែកដែលបណ្តុះបាននោះ បានប្រែប្រួលទៅនៅក្នុងរូបលក្ខណះមួយដែលរាងកាយអាចរំលាយបានយ៉ាងងាយហ្នឹងឯង ។ ប្រូតេអ៊ីនត្រូវរំលាយទៅជាអាស៊ីតអាមីណូ ម៉្សៅទៅជាខាបូហាយដ្រេតធម្មតាឬគ្លុយខូស និងជាតិខ្លាញ់ក្លាយទៅជាអាស៊ីតខ្លាញ់ ដូច្នេះហើយទើបសណ្តែកបណ្តុះក្លាយជាអាហារមួយដែលងាយរំលាយជាខ្លាំង ពេលយើងបានបរិភោគហើយវាស្មើនឹងជួយសន្សំសំចៃការធ្វើការងាររបស់ប្រព័ន្ធរំលាយអាហារ និងជួយកាត់បន្ថយកាកសំណល់ទៀតផង ។
មតិយោបល់