នៅថ្ងៃនេះកីឡាករខ្សែប្រយុទ្ធ Barcelona ម្នាក់បានធ្វើការហៅទូរស័ព្ទផ្ទាល់ទៅកាន់ប្រធានប្រតិបត្តិរបស់ក្លឹប Barcelona ព្រមទាំងក្រុមហ៊ុនអ្នកគាំទ្រផ្តាច់មុខរបស់ក្លឹបគឺ
Rakuten ផងដែរដើម្បីសុំអភ័យទោសចំពោះកាយវិការបស់ខ្លួនកន្លងមកនៅក្នុងវិដេអូមួយដែលបានលេងសើចនិងមានរូបភាពមើលងាយទៅលើជនជាតិអាស៊ី។

កីឡាករបារាំង Griezmann ត្រូវបានវិដេអូថតជាប់ក្នុងពេលដែលខ្លួនបានសើចបែបចំអកជាមួយនឹងកីឡាករមិត្តរួមក្លឹប Ousamane Dembele ទៅលើបុគ្គលិកជនជាតិអាស៊ី
ម្នាក់របស់សណ្ឋាគារដែលបានចូលមកបន្ទប់របស់ពួកគេដើម្បីជួសជុលទូរទស្សន៍និងមានវិដេអូមួយទៀតដែល Griezmann បានប្រើប្រាស់ពាក្យថា Ching chong
នៅក្នុងព្រឹត្តិការណ៍បាល់ទាត់នៅជប៉ុនមួយកាលពីឆ្នាំ២០១៩។

គួរឲ្យដឹងដែរថា Rakuten ដែលមានលោក Hiroshi Mikitani ជាប្រធានប្រតិបត្តិកំពុងមានបញ្ហាតានតឹងជាមួយនឹងក្លឹប Barcelona ប៉ុន្តែត្រូវបានគេដឹងថាជាក្រុមហ៊ុន
ដែលឧបត្ថម្ភជាមួយនឹងក្លឹបជាមួយនឹងកញ្ចប់ប្រាក់ដល់ទៅ២៦លានផោនក្នុងមួយរដូវកាល៕