ក្រុមវេជ្ជបណ្ឌឹតមកពីមជ្ឈមណ្ឌលតិចណូឡូជីសេរីរាង្គនៃ Federal University of Paraiba ក្នុងប្រទេស ប្រេស៊ីល បានរក​ឃើញថា ការទទួលទានប្រេងដូងអាចជួយឱ្យការហាត់ប្រាណបានប្រយោជន៍ចំពោះសុខភាពកាន់តែច្រើនឡើង ជាពិសេសការ​​​បញ្ចុះ​កម្រឹតសម្ពាធឈាម កាត់បន្ថយភាពប្រថុយនឹងរោគបេះដូង រួមទាំងជួយឱ្យការបញ្ចុះទម្ងន់កាន់តែមាន​ប្រសិទ្ធភាព​ឡើង​ទៀត​ផង។

ការសឹក្សាស្រាវជ្រាវមួយនេះបានធ្វើការសាកល្បងជាមួយនឹងសត្វកណ្តុរ ដោយចែកសត្វកណ្តុរចេញជា 2 ក្រុម គឺក្រុមដែល​បានស៊ីប្រេងដូងជាប្រចាំ និង1ក្រុមទៀត គឺក្រុមដែលមិនបានស៊ីប្រេងដូង។ ការពិសោធន៍បានរកឃើញថា ប្រេងដូងបានជួយ​ឱ្យសត្វ​កណ្តុរដែលបានស៊ីជាប្រចាំនោះបញ្ចេញកម្លាំងបានច្រើនឡើង ដែលជាការហាត់ប្រាណមួយដ៏ល្អ និងជាប​ច័្ចយមួយដែលជួយ​ធ្វើឱ្យ​ការ​បញ្ចុះទម្ងន់សម្រេចផល ហើយនៅពេលធ្វើការសឹក្សាបន្តទៅទៀត ក៏បានឃើញថា កម្រឹតសម្ពាធឈាមរបស់សត្វ​កណ្តុរក៏មានអត្រា​ថយចុះមកនៅក្នុងកម្រឹតដែលល្អដែរ បើពេលប្រៀបធៀបនឹងក្រុមសត្វកណ្តុរដេលមិនបានស៊ីប្រេងដូងនោះ។

ក្រៅពីនេះអ្នកជំនាញការនៅបានរកឃើញទៀតថា ការបរិភោគប្រេងដូងគួបផ្សំនឹងការហាត់ប្រាណនៅបានជួយគ្រប់គ្រងកម្រឹតការលោតរបស់បេះដូង និងជួយការពារប្រព័ន្ធឃុំគ្រងរាងកាយពីការឆ្លងរោគផ្សេងៗបានទៀតផង។ លោក

Valdia de Andrade Braga ដែលជាវេជ្ជបណ្ឌឹតម្នាក់ដែលបានចូលរួមធ្វើការសឹក្សាស្រាវជ្រាវនេះដែរបានបង្ហើបប្រាប់ឱ្យដឹងថា ការរកឃើញក្នុងគ្រានេះគឺជារបកគំហើញដ៏សំខាន់មួយ ព្រោះធ្វើឱ្យប្រេងដូងក្លាយជាកំពូលអាហារដើម្បីសុខភាពមួយប្រភេទទៀត។

យ៉ាងណាក៏ដោយ ខណៈនេះនៅត្រូវធ្វើការសឹក្សាស្រាវជ្រាវបន្ថែមតទៅទៀត ដើម្បីឱ្យប្រាកដក្នុងចិត្តថា ប្រេងដូងនឹងអាចប្រើប្រាស់ក្នុងការបញ្ចុះសម្ពាធឈាមនៅលើអ្នកជំងឺលើសឈាមបាន៕ ​