(EURO 2020)៖ វគ្គផ្តាច់ព្រ័ត្រ អ៊ីតាលី vs អង់គ្លេស ម៉ោង០២និង០០នាទីរំលងអាធ្រាត ចូលថ្ងៃទី១២ ខែកក្កដា ឆ្នាំ២០២១ នៅពហុកីឡដ្ឋាន Wembley ទឹកដីអង់គ្លេស។

– ប្រាំប្រកួតចុងក្រោយ អ៊ីតាលី មិនដែលចាញ់សូម្បីមួយប្រកួត ចំនែកអង់គ្លេសឈ្នះ៤ និងស្មើ១
– ប្រវត្តិជួបគ្នា២៧ដង អ៊ីតាលីឈ្នះ១០ ស្មើ៩ និងចាញ់៨ (អ៊ីតាលីស៊ុតបាន៣១គ្រាប់ អង់គ្លេស៣៣គ្រាប់)
-នេះជាលើកទី១០អ៊ីតាលីឡើងដល់វគ្គផ្តាច់ព្រ័ត្រពានរង្វាន់បាល់ទាត់ធំៗ ក្នុងនោះបាល់ទាត់ពិភពលោក៦ដង និងអឺរ៉ុប៤ដង។ អ៊ីតាលីឈ្នះពាននេះបានម្តងឆ្នាំ១៩៦៨ និងក្លាយជាជើងឯករងពីរដងឆ្នាំ២០០០ និង២០១២

– នេះជាលើកដំបូងដែលតោកំណាចអង់គ្លេសឡើងដល់វគ្គផ្តាច់ព្រ័ត្រពានតំបន់អឺរ៉ុប និងវគ្គផ្តាច់ព្រ័ត្រជាលើកដំបូងតាំងពីឈ្នះបាល់ទាត់ពិភពលោក ១៩៦៦។ នេះជាការខកខានឈ្នះពានដ៏យូរសម្រាប់អង់គ្លេសគិតជាឆ្នាំ៥៥ឆ្នាំ
– ម្ចាស់ជើងឯកពាននេះនឹងទទួលបានប្រាក់រង្វាន់ជិត១២លានដុល្លារ ខណៈជើងឯករងទទួលបានជាង៨លានដុល្លារ ហើយក្រុមឡើងដល់វគ្គពាក់កណ្តាលផ្តាច់ព្រ័ត្រ អេស្ប៉ាញ និងដាណឺម៉ាកទទួលបានប្រាក់រង្វាន់ជិត៦លានដុល្លារ
– អាល្លឺម៉ង់ និងអេស្ប៉ាញជាក្រុមដែលឈ្នះពាននេះច្រើនជាងគេ៣ដងដូចគ្នាតាំងពីបង្កើតឡើងនៅឆ្នាំ១៩៥៨