អាជ្ញាធរបាននិយាយកាលពីថ្ងៃអាទិត្យថា ក្រុមអ្នកមុជទឹកត្រូវបានបញ្ជូន ទៅស្វែងរកកម្មករ ១៤ នាក់ដែលបាត់ខ្លួនចាប់តាំងពីទឹកបានជន់លិច ផ្លូវរូងក្រោមដីមួយដែលកំពុងសាងសង់នៅភាគខាងត្បូងប្រទេសចិនកាលពី ៣ថ្ងៃមុន។

យោងតាមរបាយការណ៍តាមប្រព័ន្ធអ៊ីនធឺណេតរបស់ទូរទស្សន៍ CCTV បានអោយដឹងថា លោក Zhang Yisheng អភិបាលរង នៃទីក្រុង Zhuhai បាននិយាយក្នុងសន្និសីទសារព័ត៌មានថា ឧបករណ៍យន្តស្វែងរកក្នុងទឹក នាវាគ្មានមនុស្សបើក និងឧបករណ៍រាវផ្សេងទៀតត្រូវគេដាក់ពង្រាយ ក្នុងប្រតិបត្តិការស្វែងរក។