បរទេស៖ The Goal នៅថ្ងៃនេះបានចេញផ្សាយថាក្លឹបយក្សអាល្លឺម៉ង់ Bayern Munich កំពុងដាក់ចិត្តដាក់កាយខ្លាំងមែនទែនដោយសង្ឃឹមថានឹងអាច
សុំចរចាទិញយកកីឡាករខ្សែការពារស្លាបស្តាំម្នាក់ចេញពី Barcelona មកបំពេញតំណែងដែលមានភាពខ្វះខាត។

ប្រភពដដែលបានសរសេរទៀតថា Bayern Munich បានឈានទៅដល់ការចរចាគ្នាហើយជាមួយនឹង Barcelona ដើម្បីពីនិត្យមើលលទ្ធភាពនៃការ
ដោះដូរកីឡាករឆ្នើមបទពិសោធ Sergi Roberto ខណៈដែលកន្លងមកគេដឹងថា Bayern តែងតែចង់បាន Sergino Dest ឬ Emerson ប៉ុណ្ណោះ។

គួរឲ្យដឹងដែរថា Sergi Roberto មានកុងត្រាផុតសុពលភាពនៅត្រឹមរដូវក្តៅក្រោយនេះហើយដែលមានន័យថា Barcelona អាចនៅមានឱកាសទទួលបាន
ប្រាក់តម្លៃខ្លួនខ្លះមកវិញប្រសិនបើមិនចង់បាត់បង់ Roberto ទៅទាំងទទេទេនោះ៕