CAMSOC-ភ្នំពេញ៖ ក្រុមប្រតិភូ-អត្តពលិកកម្ពុជា បានធ្វើមាតុភូមិនិវត្តន៍មកដល់មាតុប្រទេសរបស់ខ្លួនវិញហើយ នៅល្ងាចថ្ងៃទី២ ខែសីហា ឆ្នាំ២០២១នេះ បន្ទាប់ពីបញ្ចប់បេសកកម្មនៅក្នុងព្រឹត្តិការណ៍កីឡាអូឡាំពិក ទីក្រុងតូក្យូ ប្រទេសជប៉ុន ឆ្នាំ២០២០។

ក្រុមប្រតិភូ-អត្តពលិកកម្ពុជាមានសរុបចំនួន៧រូប ក្នុងនោះមាន អត្តពលិក២រូប លើ២ប្រភេទកីឡា គ្រូពេទ្យ គ្រូបង្វឹក ដឹកនាំដោយឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជា (NOCC) ទទួលបន្ទុកនាយបេសកកម្ម និងនាយរងបេសកកម្ម លោក ញ៉ាន សុខវិសាល។ កីឡាករអត្តពលកម្មម្នាក់បន្តការហ្វឹកកហាត់នៅជប៉ុន មិនបានរួមដំណើរជាមួយក្រុមប្រតិភូកម្ពុជា នាពេលនេះទេ៕