CAMSOC-ភ្នំពេញ៖ កីឡាករលោតទឹកជម្រើសជាតិអាមេរិក ដើមកំណើតខ្មែរ Jordan Pisey Windle បានបញ្ចប់ការប្រកួតវគ្គផ្ដាច់ព្រ័ត្រវិញ្ញាសាលោតទឹកកម្ពស់ ១០ម៉ែត្រ នៃព្រឹត្តិការណ៍កីឡាអូឡាំពិករដូវក្ដៅ ទីក្រុងតូក្យូ ឆ្នាំ២០២០ (Tokyo Olympic Games 2020) នៅប្រទេសជប៉ុនហើយ ដោយទទួលបានត្រឹមចំណាត់ថ្នាក់លេខ៩ ប៉ុណ្ណោះ ។
នៅក្នុងការប្រកួតវគ្គផ្ដាច់ព្រ័ត្រ នាមជ្ឈមណ្ឌលហែលទឹក Tokyo Aquatics Center នេះ Jordan Pisey រកបាន ៤០៧.៩០ពិន្ទុប៉ុណ្ណោះ បន្ទាប់ពីឆ្លងកាត់ការប្រកួត ៦ជុំ ដែលនាំឲ្យកីឡាករមានឈាមជ័រជាជនជាតិខ្មែររូបនេះ បញ្ចប់ត្រឹមចំណាត់ថ្នាក់លេខ៩ ដូចកាលពីវគ្គពាក់កណ្ដាលផ្ដាច់ព្រ័ត្រដែរ ។
ដោយឡែកកីឡាករទទួលបានមេដាយលើវិញ្ញាសាលោកទឹកកម្ពស់ ១០ម៉ែត្រនេះ មេដាយមាស បានទៅកីឡាករចិន Cao Yuan រកបាន ៥៨២.៣៥ពិន្ទុ, មេដាយប្រាក់ បានទៅកីឡាករចិនដូចគ្នា Yang Jian រកបាន ៥៨០.៤០ពិន្ទុ និងមេដាយសំរឹទ្ធ បានទៅកីឡាករអង់គ្លេស Daley Thomas រកបាន ៥៤៨.២៥ពិន្ទុ ៕
មតិយោបល់