ព័ត៌មានជាតិ

កម្លាំងចម្រុះក្រុងសំរោង ចុះបង្ក្រាបក្រុមក្មេងទំនើង យកមកអប់រំនិងធ្វើកិច្ចសន្យា

ឧត្តរមានជ័យ: កម្លាំងសមត្ថកិច្ចចម្រុះខេត្តឧត្តរមានជ័យ ចុះបង្ក្រាបក្រុមក្មេងទំនើង យក​មក​ធ្វើការអប់រំ និងធ្វើកិច្ចសន្យាបញ្ឈប់ការកែច្នៃបំពង់ស៊ីម៉ាំងម៉ូតូខុសលក្ខណ:បច្ចេកទេស រំខាន ដល់ប្រជាពលរដ្ឋ នៅពេលយប់ ។

ប្រតិបត្តិការនេះ បានធ្វើឡើងកាលពីវេលាម៉ោង៨យប់ រហូតដល់ម៉ោង១១យប់ ថ្ងៃទី២ ខែកញ្ញា ឆ្នាំ២០១៦ ដោយ​កម្លាំងនៃអធិការដ្ឋាននគរបាលក្រុងសំរោង ដឹកនាំដោយ លោកអនុសេនីយ៍ឯក ស៊ី ថារឹទិ្ធ អធិការរងនគរបាល​ក្រុង បានសហការជាមួយកម្លាំងកងរាជអាវុធហត្ថក្រុង មានផ្នែកសឹករងក្រុង មន្ត្រី មន្ទីរសាធារណការ និងមន្ត្រី​រដ្ឋបាលក្រុង សរុបចំនួន២៨នាក់ ដឹកនាំបញ្ជាដោយ លោក ផុន ចាន់និល អភិបាលរងនៃគណ:អភិបាល​ក្រុង​សំរោង ចុះធ្វើការឆែកនិងត្រួតពិនិត្យអាវុធជាតិផ្ទុះ នៅតាមបណ្តោយផ្លូវជាតិលេខ៦៨ ចំណុចមុខទីបញ្ជាការកង​រាជអាវុធហត្ថក្រុង ស្ថិតក្នុងភូមិគោកចំបក់ សង្កាត់សំរោង ក្រុងសំរោង ខេត្តឧត្តរមានជ័យ។

ជាលទ្ធផល បានធ្វើការអប់រំនិងធ្វើកិច្ចសន្យាបញ្ឈប់ក្មេងទំនើង៤នាក់ ដែលកែច្នៃបំពង់ស៊ីម៉ាំងម៉ូតូខុសលក្ខណ:​បច្ចេក​ទេស លឺខ្លាំងៗ រំខានទៅដល់ប្រជាពលរដ្ឋនៅពេលយប់ ទី១.ឈ្មោះ បូញ បូរី ភេទប្រុស អាយុ២៤ឆ្នាំ រស់​នៅ​ភូមិគោកអំពិល សង្កាត់កូនក្រៀល ក្រុងសំរោង។ទី២.ឈ្មោះ អូន មុំ ភេទប្រុស អាយុ២១ឆ្នាំរស់នៅ​ភូមិគោក​អំពិល សង្កាត់កូនក្រៀល ក្រុងសំរោង។ ទី៣.ឈ្មោះ គង់ ឡេង ភេទប្រុស អាយុ២១ឆ្នាំរស់នៅភូមិពុរ សង្កាត់កូន​ក្រៀល ក្រុងសំរោង។ទី៤.ឈ្មោះ ថូយ នត្ថាទិត្យ ភេទប្រុស អាយុ១៧ឆ្នាំ រស់នៅភូមិដូនកែន សង្កាត់​សំរង ក្រុងសំរោង ខេត្តឧត្តរមានជ័យ៕

ក្រុមក្មេងទំនើង

ក្រុមក្មេងទំនើង

ក្រុមក្មេងទំនើង

ក្រុមក្មេងទំនើង

ក្រុមក្មេងទំនើង

ក្រុមក្មេងទំនើង

ក្រុមក្មេងទំនើង

ក្រុមក្មេងទំនើង

ក្រុមក្មេងទំនើង

មតិយោបល់