(បាងកក)៖ ក្រសួងសុខាភិបាលថៃនៅព្រឹកថ្ងៃពុធ ទី០១ ខែកញ្ញា ឆ្នាំ២០២១នេះ បានរាយការណ៍ពីការរកឃើញករណីឆ្លងជំងឺ COVID-19 ថ្មីៗចំនួន ១៤,៨០២នាក់ករណីបន្ថែមទៀត ក្នុងរយ:ពេល ២៤ម៉ោងចុងក្រោយនេះ។

ក្នុងចំណោមករណីឆ្លងថ្មីៗខាងលើនេះមាន ១៤,៥៨៥ករណី ត្រូវបានរកឃើញនៅលើប្រជាជនថៃទូទៅ និង ២១៧ករណីទៀត ត្រូវបានរកឃើញនៅលើអ្នកទោសតាមពន្ធនាគារ។ ក្រៅពីការរកឃើញករណីឆ្លងថ្មីៗខាងលើនេះ អ្នកជំងឺចំនួន ២៥២នាក់បន្ថែមទៀត ក៏ត្រូវបានរាយការណ៍ថាស្លាប់ផងដែរ ក្នុងរយ:ពេល ២៤ម៉ោងចុងក្រោយដូចគ្នា។

បច្ចុប្បន្ន ថៃបានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេសចំនួន ១,២១៩,៥៣១ករណី ក្នុងនោះមានអ្នកស្លាប់ ១១,៨៤១នាក់ និងអ្នកជាសះស្បើយឡើងវិញ ១,០៤០,៧៦៨នាក់៕

ប្រភព៖ Bangkok Post