Post News Media ព័ត៌មានជាតិ ខ្លឹមសារប្រសា...

ខ្លឹមសារប្រសាសន៍សំខាន់ៗរបស់លោក ហ៊ុន ម៉ាណែត ក្នុងពិធីបិទវគ្គហ្វឹកហ្វឺនបញ្ជាការ

ភ្នំពេញ: លោក ហ៊ុន ម៉ាណែត នាយរងសេនាធិការចម្រុះនៃកងយោធពលខេមរ:ភូមិន្ទ និងជាមេបញ្ជាការរងកងទ័ពជើង​គោក បានថ្លែងខ្លឹម​សារប្រសាសន៍សំខាន់ៗក្នុងពិធីបិទវគ្គហ្វឹកហ្វឺនបញ្ជាការ ខ គ បំប៉នយុទ្ធវិធីថ្មើរជើងវរ:សេនាតូចលេខ១៤២ និងបំពាក់ឋានន្តរស័ក្ត នៃពលតូចថ្មើរជើងលេខ១៤ ថ្ងៃទី៣ ខែកញ្ញា ឆ្នាំ ២០១៦។

១-ថ្លែងអំណរគុណនិងកោតសរសើរមេបញ្ជាការកងពលលេខ១៤ យោធាចារ្យ និងកម្មសិក្សាការីទាំងអស់ដែលបានខិតខំហ្វឹកហ្វឺននិងយកចិត្តទុក​ដាក់​ជាប់​ជាប្រចាំក្នុងការ​បំពេញភារកិច្ចរបស់ខ្លួនដើម្បីបម្រើជាតិនិងការពារជាតិ ការពារសុខសន្តិភាព និងបម្រើប្រជាជន ព្រោះការចូលរួមរបស់កង​ទ័ពគឺជាកា​រ​ចាំ​បាច់​ណាស់ក្នុងការរក្សា​ស្ថេរភាព​និងសន្តិសុខសង្គមនិងចុះជួយប្រជាពលរដ្ឋគ្រប់ពេលវេលា។

២-គោលនយោបាយរបស់រាជរដ្ឋាភិបាល ជាពិសេសសម្តេចតេជោ ហ៊ុន សែន បាននិងកំពុងខិតខំគិតគូរយកចិត្តទុកដាក់ខ្ពស់ ចំពោះសុខទុក្ខ ជីវភាព​រស់នៅ និងការលើក​តម្កើនកិត្តិយសរបស់កងទ័ព តាមរយ:ការផ្គត់ផ្គង់គ្រឿងឧបភោគ បរិភោគនៅខែក្តៅ ខែរងារជាប់ជាប្រចាំ ការតម្លើងប្រាក់បៀវត្ស ការផ្តល់ប្រាក់របបផ្សេងៗ និងការយកចិត្ត​ទុកដាក់ចំពោះសុខទុក្ខ ជីវភាពរស់នៅរបស់អតីតយុទ្ធជន ព្រមទាំងគិតគូរពីអតីតភាពការងារ តាមរយ:​ការតម្លើងឋានន្តរស័ក្តចំពោះយោធិនដែលមានវ័យចំណាស់ផងដែរ។

៣-កងទ័ពត្រូវប្រកាន់គោលជំហរច្បាស់លាស់និងស្មោះត្រង់ចំពោះព្រះមហាក្សត្រ រាជរដ្ឋាភិបាលស្របច្បាប់ និងប្រទេសជាតិ ហើយត្រូវ​ពង្រឹង​សមត្ថ​ភាព​និងឆន្ទ:ខ្ពស់ដើម្បី​ក្លាយជាកងទ័ពជាតិដើម្បីការពារព្រះមហាក្សត្រ រាជរដ្ឋាភិបាល សុខសន្តិភាព ស្ថេរភាពដើម្បីប្រទេសជាតិនិងប្រជាជន។

៤-ក្នុងនាមជានាយទាហានជំនាន់ក្រោយ ខ្ញុំសូមគោរពដឹងគុណ និងគោរពថ្លែងអំណរគុណចំពោះលោកពូ អ្នកមីង លោកអ៊ុំ អតីតយុទ្ធជនដែលបាន​លះបង់សាច់ស្រស់​ឈាមស្រស់ដើម្បីបំពេញភារកិច្ចជូនជាតិមាតុភូមិរបស់យើង។ យើងបានមកដល់ម៉ោងនេះ យើងមានសុខសន្តិភាព ស្ថេរភាពសង្គម​មកដល់ពេលនេះគឺបានដោយសារ​ការរួម​ចំណែករបស់លោកពូ អ្នកមីង លោកអ៊ុំ អតីតយុទ្ធជន ក៏ដូចជាយោធិនជាច្រើនដែលបានធ្វើពលីកម្ម​ដើម្បីជាតិ​របស់យើង។ ថ្ងៃនេះយើងអញ្ជើញអតីយុទ្ធជន​មកចូល​រួមកម្ម​វិធីគឺការប្រពៃណីដែលបានផ្សាភ្ជាប់រវាងកងទ័ពជំនាន់មុននិងកងទ័ពជំនាន់ក្រោយៗ។

៥-(ផ្តាំផ្ញើរ) ត្រូវស្មោះត្រង់ដាច់ខាតចំពោះជាតិមាតុភូមិ លើកកម្ពស់មនសិការស្នេហាជាតិ គោរពឲ្យបានម៉ឺងម៉ាត់នូវរាល់បទបញ្ជា និងត្រូវស្មោះ​ត្រង់ត​ស៊ូ ប្តូរផ្តាច់ចំពោះ​អធិបតេយ្យភាព បូរណភាពទឹកដីរបស់យើង។ ហើយសង្ឃឹមយ៉ាងមុតមាំថាការហ្វឹកហ្វឺននៅថ្ងៃនេះនឹងបង្កើនជំនាញនិងសមត្ថភាព​របស់កងទ័ពនិងជាឱកាស​នៃការផ្ទេរចំណេះ​ដឹងពីនាយទាហានជំនាន់មុនដល់នាយទាហានជំនាន់ក្រោយៗទៀត។

សូមបញ្ជាក់ថា នៅក្នុងឱកាសនោះដែរ ឯកឧត្តម ហ៊ុន ម៉ាណែត បានប្រគល់ថវិកា គ្រឿងឧបភោគ បរិភោគ ជូនដល់កងពលលេខ១៤ និង អតីតយុទ្ធ​ជនផងដែរ។ លើសពីនេះលោកបាន បញ្ជូនលោកពូ អ្នកមីង លោកអុំ ជាអតីតយុទ្ធជនចំនួន៣នាក់ដែលមានបញ្ហាសុខភាពធ្ងន់ធ្ងរមកព្យាបាលបន្តនៅ​ភ្នំពេញក្រោមការឧបត្ថម្ទ​ទាំងស្រុង(ការធ្វើដំណើរ ការស្នាក់នៅ ការហូបចុក) ប្រកបដោយទឹកចិត្តសប្បុរ​សធម៌ដ៍ថ្លៃថ្លាមិនអាចកាត់ថ្លៃ​បានរបស់​លោក ហ៊ុន ម៉ាណែត និងលោកជំទាវ ៕

លោក ហ៊ុន ម៉ាណែត

លោក ហ៊ុន ម៉ាណែត

លោក ហ៊ុន ម៉ាណែត

លោក ហ៊ុន ម៉ាណែត

លោក ហ៊ុន ម៉ាណែត

លោក ហ៊ុន ម៉ាណែត

លោក ហ៊ុន ម៉ាណែត

លោក ហ៊ុន ម៉ាណែត

លោក ហ៊ុន ម៉ាណែត

លោក ហ៊ុន ម៉ាណែត

លោក ហ៊ុន ម៉ាណែត