បរទេស៖ The Goal នៅថ្ងៃនេះបានចេញផ្សាយថាក្រៅតែពីក្លឹប Bayern Munich ហើយនោះក៏នៅមានក្លឹបផ្សេងៗទៀតនៅអ៊ឺរ៉ុបដូចជានៅលីគកំពូលអេស្បាញនិងអង់គ្លេសជាដើមសុទ្ធតែបានបង្ហាញចំណាប់អារម្មណ៍ចំពោះកីឡាករខ្សែប្រយុទ្ធវ័យក្មេង Adeyemi ដែលកំពុងលេងឲ្យ RB Salzburg។

កីឡាករវ័យទើបតែ១៩ឆ្នាំរូបនេះត្រូវបានគេជឿជាក់ថាកំពុងមានតម្លៃខ្លួនប្រមាណជា២០លានអ៊ឺរ៉ូហើយមិនត្រឹមតែប៉ុណ្ណោះគាត់ក៏ជាគោលដៅរបស់ក្លឹបយក្សដូចជាអ្នកមានបុណ្យ Barcelona និងក្លឹបហង្សក្រហម Liverpool នៅអង់គ្លេសនោះផងដែរ។

ប៉ុន្តែទោះបីជាយ៉ាងណាក្តីក្លឹបយក្សអាល្លឺម៉ង់ Bayern Munich នៅតែមានក្តីសង្ឃឹមថានឹងអាចប្រជែងឈ្នះក្លឹកបផ្សេងទៀតដើម្បី Adeyemi ដែលក៏ធ្លាប់ជាកីឡាករដែលដុះចេញពីថ្នាលយុវជនរបស់ក្លឹបកាលពីមុននោះផងដែរ៕