សហរដ្ឋអាមេរិកបានផ្អាករាល់ជើងហោះហើរដឹកអ្នកជម្លៀសខ្លួនអាហ្វហ្កានីស្ថាន ដែល ភៀសខ្លួនចេញពីមូលដ្ឋានធំៗពីរនៅក្រៅប្រទេស បន្ទាប់ពីបានរកឃើញការផ្ទុះឡើង ជំងឺ កញ្ជ្រឹល ក្នុងចំណោមជនជាតិអាហ្វហ្គានីស្ថាន ដែលបានមកដល់សហរដ្ឋអាមេរិក ជា ឧបសគ្គមួយដែលមន្រ្តីអាមេរិក បានព្រមានថា នឹងមានឥទ្ធិពលយ៉ាងធ្ងន់ធ្ងរដល់ដំណើរ ការជម្លៀសដែលដំណើរការដោយសហរដ្ឋអាមេរិក។

យោងតាមការរាយការណ៍របស់រដ្ឋាភិបាលអាមេរិកបានឲ្យដឹងថា ទីភ្នាក់ងារគយ និងការ ពារព្រំដែនសហរដ្ឋអាមេរិក បានសម្រេចតាមការណែនាំ របស់ មជ្ឈមណ្ឌលគ្រប់គ្រងនិង បង្ការជំងឺ ក្នុងការបញ្ឈប់ជើងហោះហើរចេញពីមូលដ្ឋានកងទ័ព សហរដ្ឋអាមេរិកនៅ ប្រទេសអាល្លឺម៉ង់ និងកាតា។