(Reuters) - កាលពីថ្ងៃអង្គារ៍នេះ ក្រុមមន្ត្រីឥណ្ឌាបាននិយាយថា ពួកគេបានរឹបអូសហេរ៉ូអ៊ីនប្រមាណ ០៣តោន ដែលមានប្រភពមកពីប្រទេសអាហ្វហ្គានីស្ថាន ដែលមានតម្លៃប្រមាណ ២០០ ពាន់លានរូពី (២,៧២ ពាន់លានដុល្លារ) ស្របពេលមានភាពវឹកវរបន្ទាប់ពីការដណ្តើមកាន់កាប់ប្រទេសនេះកាលពីខែមុនដោយក្រុមតាលីបង់។
អាហ្វហ្គានីស្ថានគឺជាប្រទេសផ្គត់ផ្គង់អាភៀនខុសច្បាប់ធំបំផុតលើពិភពលោក ប៉ុន្តែចាប់តាំងពីបានឡើងកាន់អំណាចដោយក្រុមតាលីបង់អ៊ីស្លាមបាននិយាយថា ពួកគេមានគម្រោងហាមឃាត់ការជួញដូរគ្រឿងញៀននេះ ដោយមិនផ្តល់ព័ត៌មានលម្អិតអំពីរបៀបហាមឃាត់នោះទេ។
មន្ត្រីម្នាក់នៅរដ្ឋ Gujarat បាននិយាយថា មនុស្សពីរនាក់ត្រូវបានចាប់ខ្លួនពាក់ព័ន្ធនឹងការដឹកជញ្ជូនគ្រឿងញៀន ហើយការស៊ើបអង្កេតកំពុងបន្ត មន្ត្រីរូបនោះបដិសេធមិនបញ្ចេញឈ្មោះដោយសារគាត់មិនត្រូវបានអនុញ្ញាតឱ្យនិយាយជាសាធារណ:។
មន្ត្រីម្នាក់បាននិយាយថា អគ្គនាយកដ្ឋានស៊ើបការណ៍សម្ងាត់ (DRI) ដែលជាទីភ្នាក់ងារប្រឆាំងការរត់ពន្ធគ្រឿងញៀនកំពូលរបស់ឥណ្ឌាបានរឹបអូសទូកុងតឺន័រចំនួនពីរនៅឯកំពង់ផែ Mundra ភាគខាងលិចនៃរដ្ឋ Gujarat កាលពីថ្ងៃទី១៥ ខែកញ្ញា បន្ទាប់ពីទទួលបានព័ត៌មានសម្ងាត់ថាទូកុងតឺន័រមានផ្ទុកនូវគ្រឿងញៀន។
មន្ត្រីរូបនេះបានបន្ថែមទៀតថា ទូកុងតឺន័រទាំងនោះត្រូវបាននាំចូលដោយក្រុមហ៊ុនមួយនៅភាគខាងត្បូងឆ្នេរសមុទ្រនៃទីក្រុង Vijayawada ។
“ការស៊ើបអង្កេតដែលបានធ្វើឡើងរហូតមកដល់ពេលនេះ ក៏បានបង្ហាញពីការជាប់ពាក់ព័ន្ធរបស់ជនជាតិអាហ្វហ្គានីស្ថានដែលកំពុងស្ថិតក្រោមការស៊ើបអង្កេតផងដែរ” ៕
មតិយោបល់