សម្រាប់វិនិយោគិន បុគ្គលិកជំនាញបច្ចេកទេសទាំងជនជាតិខ្មែរ និងបរទេស មន្ត្រីការទូត មន្ត្រីអនុវត្តគម្រោងសហប្រតិបត្តិការផ្លូវការ និងមន្ត្រីរាជការរបស់រដ្ឋាភិបាល ដែលត្រលប់មកពីក្រៅប្រទេស ពេលមកដល់កម្ពុជា ការធ្វើចត្តាឡីស័ក ត្រូវបានក្រសួងសុខាភិបាលកាត់បន្ថយមកនៅត្រឹមរយ:ពេលតែ៣ថ្ងៃប៉ុណ្ណោះ ប្រសិនបើអ្នកទាំងនោះ មិនមានកូវីដ១៩។ នេះក៏រួមបញ្ចូលផងដែរ ក្រុមគ្រួសាររបស់ក្រុម អាទិភាពទាំងនេះ។
ដោយឡែក សម្រាប់អ្នកដំណើរទូទៅទាំងជនជាតិខ្មែរ និងបរទេស ដែលបានចាក់វ៉ាក់សាំងបង្ការជំងឺកូវីដ១៩រួចរាល់ ការធ្វើចត្តាឡីស័កគឺត្រូវបានកាត់បន្ថយមកនៅត្រឹមតែរយ:ពេល៧ថ្ងៃប៉ុណ្ណោះ។ ប៉ុន្តែត្រូវអនុវត្តរបបចត្តាឡីស័កចំនួន១៤ថ្ងៃ ចំពោះអ្នកដំណើរគ្រប់ប្រភេទដែលមិនបានចាក់វ៉ាក់សាំងការពារកូវីដ១៩ ឬមិនទាន់បានចាក់វ៉ាក់សាំងដូសមូលដ្ឋានបានពេញលេញ។
នេះគឺជាអ្វីដែលក្រសួងសុខាភិបាល មើលឃើញពីការវិវត្តន៍កាន់តែប្រសើរឡើងនៃស្ថានភាពជាក់ស្តែងកូវីដ១៩ ស្របតាមគន្លងប្រក្រតីភាពថ្មី ខណ:ដែលរដ្ឋាភិបាលកម្ពុជាសម្រេចបើកប្រទេសឡើងវិញជាបណ្តើរៗនិងតាមដំណាក់កាលជាមួយនឹងភាពប្រយ័ត្នប្រយែង និងការទទួលខុសត្រូវខ្ពស់។
មតិយោបល់