បរទេស៖ គ្រូបង្វឹករបស់ក្រុមញញួរធំ West Ham លោក David Moyes ត្រូវបានគេមើលឃើញថាកំពុងសម្លឹងមើលឃើញឱកាសប្រជែងពានរង្វាន់ Premier Leagueជាមួយនឹងតោខៀវ Chelsea ក្រោយយកជ័យជំនះដ៏ធំមួយលើក្រុមហង្សក្រហម Liverpool កាលពីយប់មិញ។

West Ham អាចបំបាក់ឲ្យ Liverpool ស្គាល់ពាក្យថាបរាជ័យលើកដំបូងប្រចាំរដូវកាលនេះជាមួយនឹងលទ្ធផលប្រផិតប្រផោយ៣ទល់នឹង២ដែលក្នុងនោះមួយគ្រាប់ដំបូងរបស់ West Ham បានដោយសារបាល់បញ្ចូលទីខ្លួនឯងរបស់អ្នកចាំទី Alisson និង១គ្រាប់ទៀតដោយ Pablo Fornals និងមួយគ្រាប់ចុងក្រោយដោយ Kurt Zouma។

ជ័យជំនះលើកនេះបានជួយឲ្យ West Ham ឡើងទៅចំណាត់ថ្នាក់លេខរៀងទី៣បណ្តោះអាសន្នជំនួសឲ្យ Liverpool ហើយមានតែ៣ពិន្ទុប៉ុណ្ណោះក្នុងដៃដែលឈរពីក្រោយក្រុមកំពូលតារាង Chelsea ៕