បរទេស៖ តារាឆ្នើមរបស់ក្លឹប Olympiacos កីឡាករ Aguibou Camara កំពុងត្រូវបានតាមចែចងដោយក្លឹបនៅអង់គ្លេសចំនួន៣ដូចជា Liverpool, Leicester City និងក្លឹប Newcastle ទោះបីជាបានដឹងហើយថាក្លឹបនៅប្រទេសក្រិកមួយនេះនឹងទាមទារតម្លៃខ្លួនកីឡាករវ័យ២០ឆ្នាំរូបនេះប្រមាណជា២០លានផោន។

ដោយឡែកនៅអ៊ិតាលីវិញក្លឹបយក្ស AC Milan ឯណោះវិញគឺត្រូវបានគេជឿជាក់ថាបានចូលរួមប្រកួតប្រជែងជាមួយនឹងក្លឹបផ្សេងទៀតដើម្បីអាចនាំយកកីឡាករខ្សែប្រយុទ្ធបារាំង Alexsandre Lacazette មកចូលរួមក្លឹបនាពេលខាងមុខ។

គួរឲ្យដឹងដែរថាក្លឹប AT Madrid, Barcelona និង Newcastle សុទ្ធតែជាក្លឹបដែលបានបង្ហាញចំណាប់អារម្មណ៍ចំពោះកីឡាករខ្សែប្រយុទ្ធរបស់ក្លឹប Arsenal រូបនេះហើយសង្ឃឹមថានឹងអាចធ្វើឡើងនៅរដូវក្តៅខាងមុខនេះ៕