ភ្នំពេញ៖ ការបរាជ័យរបស់ក្រុមជម្រើសជាតិកម្ពុជាក្រោមអាយុ២៣ ឆ្នាំក្រោមថ្វីជើងក្រុមជម្រើសជាតិក្រោមអាយុ២៣ឆ្នាំទីម័រខាងកើត១-០ កាលពីយប់មិញនេះធ្វើឲ្យយុវជនម្ចាស់ផ្ទះមាន២ករណី ដើម្បីបានឡើងទៅកាន់វគ្គបន្ត សម្រាប់ការប្រកួតពានរង្វាន់ AFF U23 Championship 2022 ។

ការបរាជ័យយប់មិញនេះធ្វើឲ្យក្រុមយុវជនកម្ពុជាមានភាគរយកាន់តែតិចក្នុងការ ឡើងទៅកាន់វគ្គពាក់កណ្ដាលផ្ដាច់ព្រ័ត្រ។ យ៉ាងណាការបានឡើងនេះត្រូវរង់ចាំអ៊ុតមើលការប្រកួតចុងក្រោយរវាងក្រុមយុវជនវៀតណាម និងយុវជនថៃ សិន ដែលយុវជនកម្ពុជាអាចឡើងបានលុះត្រាតែ៖ ទី១-យុវជនវៀតណាមត្រូវឈ្នះយុវជនថៃ ចាប់ពី៣គ្រាប់ឡើង និងទី២-យុវជន ថៃ ត្រូវឈ្នះយុវជនវៀតណាម ចាប់ពី៨ គ្រាប់ឡើង

ការប្រកួតវាងក្រុមយុវជនថៃ និងយុវជនវៀតណាម នឹងធ្វើឡើងវេលាម៉ោង ៧ យប់ថ្ងៃទី២២ ខែកុម្ភៈ ឆ្នាំ២០២២ ខាងមុខនេះ។ កម្ពុជាមាន៦ពិន្ទុនៅពូល A ឆ្លងកាត់ការប្រកួត៣លើកឈ្នះ២ចាញ់១ ឈ្នះគឺឈ្នះ យុវជនប្រ៊ុយណេ ៦-០ ឈ្នះយុវជនហ្វីលីពីន ១-០ និងចាញ់ យុវជនទីម័រខាងកើត ១-០ ៕