Post News Media ព័ត៌មានជាតិ ក្មេងប្រុសអាយ...

ក្មេងប្រុសអាយុទើបតែ៣ឆ្នាំម្នាក់ បានលង់ទឹកស្ទឹងសង្កែ ស្លាប់យ៉ាងអាណោចអាធ័ម

បាត់ដំបង: ក្មេងប្រុសអាយុទើបតែ៣ឆ្នាំ បានលង់ទឹក ស្លាប់យ៉ាងអាណោចអាធ័ម ខណ:ដែលមានក្មេងៗក្នុងភូមិមួយក្រុមនាំគ្នាចុះទៅលេង​ទឹកស្ទឹង​សង្កែ ហើយកុមារារូបនេះ បានដើរតាមគេ ។ហេតុការណ៍នេះបានកើតឡើងកាលពីម៉ោង៨ និង៣០នាទីព្រឹក នៅថ្ងៃទី៧ ខែកញ្ញាឆ្នាំ២០១៦ ក្នុងដងស្ទឹងសង្កែ ស្ថិតក្នុង​ភូមិ​កំពង់ចែង ឃុំបាយដំរាំ ស្រុកបាណន់ ខេត្តបាត់ដំបង។

សមត្ថកិច្ច បានឲ្យដឹងថា កុមារារងគ្រោះមានឈ្មោះ ភាន់ សុភក្តិ អាយុ៣ឆ្នាំ រស់នៅក្នុងភូមិ ឃុំ កើតហេតុខាងលើ ។

ប្រភពព័ត៌មានដដែលបានបន្តថា មុនពេលកើតហេតុ មានក្មេងៗមួយក្រុមដែលរស់នៅក្នុងភូមិខាងលើ បានបបួលគ្នាទៅងូតទឹកក្នុងស្ទឹងសង្កែ ដែលជាទម្លាប់ធម្មតា របស់​ពួក​គេ នៅពេលនោះស្រាប់តែកុមារា រងគ្រោះក៏បានដើរតាមគេឯងទៅជាមួយដែរ ដើម្បីចុះទៅងូតទឹកលេង ។ ខណ:ដែលពួកគេកំពុងតែមានការហ៊ោ​កញ្ជ្រៀវសើច​សប្បាយ ស្រាប់តែមានការឆោឡោឡើង ដោយសារតែពួកគេរកមិនឃើញកុមារារូបនេះ ទើបបង្ករឲ្យមានការភ្ញាក់ផ្អើលដល់ចាស់ៗ នាំគ្នាចុះរាវ ទើបប្រទះឃើញកុមារា​នេះ ប៉ុន្តែជាអកុសលក្មេងរងរបួសបានដាច់ខ្យល់ស្លាប់ បាត់ទៅហើយ ដោយសារតែរយ:ពេលនៃការបាត់យូរពេក ។

បច្ចុប្បន្នសពកុមារខាងលើ ត្រូវបានសមត្ថកិច្ចធ្វើការកោសល្យវិច្ឆ័យរួច ប្រគល់ទៅឲ្យក្រុមគ្រួសារធ្វើបុណ្យតាមប្រពៃណី៕

លង់ទឹក

លង់ទឹក២

លង់ទឹក៣