Post News Media ព័ត៌មានជាតិ ឧបនាយករដ្ឋមន្...

ឧបនាយករដ្ឋមន្ត្រី កែ គឹមយ៉ាន សាងសង់ផ្ទះមួយខ្នងជូនពលរដ្ឋក្រីក្រមានជម្ងឺប្រចាំកាយមួយគ្រួសារក្នុងក្រុងសិរីសោភ័ណ

(បន្ទាយមានជ័យ​)៖​ ផ្ទះមួយខ្នងសង់អំពីឈើប្រក់សង្ក័សីជាអំណោយរបស់លោកឧបនាយករដ្ឋមន្ត្រី​ កែ​ គឹមយ៉ាន​ ប្រធានអាជ្ញាធរជាតិប្រយុទ្ធប្រឆាំងគ្រឿងញៀនតាមរយះលោក​ លី​ សារី​ អភិបាលរងខេត្តនិងជាប្រធានក្រុមការងារគណបក្សប្រជាជនកម្ពុជាបានធ្វើការប្រគល់ជូនប្រជាពលរដ្ឋក្រីក្រមួយគ្រួសាររស់នៅក្នុងភូមិថ្មីសង្កាត់ភ្នៀត​ក្រុងសិរីសោភ័ណខេត្តបន្ទាយមានជ័យ។​     លោក​ គោ​ សាំ​ មេភូមិថ្មីបាននិយាយប្រាប់post news ថា​ ប្រជាពលរដ្ឋដែលទទួលបានផ្ទះមួយខ្នងហើយកំពុងសាងសង់នេះគឺលោកស្រី​ ប៉ែន​ កាយ​ អាយុ​៥៤ឆ្នាំ​ ប្តីឈ្មោះ​ សាយ​ ខិះ​ អាយុ​៥៦ឆ្នាំ​មានជម្ងឺលើសឈាម​ធ្លាក់ខ្លួនពិការដេកនឹងកន្ទេល​។​ក្រោយពីប្តីធ្លាក់ខ្លួនឈឺគ្រួសារនេះមានជីវភាពក្រីក្រលំបាកតោកយ៉ាករស់នៅក្នុងខ្ទមបែកបាក់លើដីចំណីផ្លូវ។​

     លោក​ លី​ សារី​ បានថ្លែងប្រាប់post newsថាដោយឃើញការលំបាកបែបនេះហើយទើបឧបនាយករដ្ឋមន្ត្រី​ កែ​ គឹមយ៉ាន​ លោកបានសាងសង់លំនៅដ្ឋានមួយខ្នងដែលចំណាយទឹកប្រាក់អស់ប្រមាណជិតពីរលានរៀលដើម្បីឲ្យគាត់មានជំរំជម្រកស្នាក់នៅបានសមរម្យ។​

      លោក​ លី​ សារី​ បានបន្តថាជាយុទ្ធសាស្រ្តកំណែទម្រង់ស៊ីជម្រៅ​ ឧបនាយករដ្ឋមន្ត្រី​ កែ​ គឹមយ៉ាន​ក្នុងនាមប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ លោកបានដាក់ផែនការដល់ថ្នាក់ដឹកនាំខេត្តឲ្យចុះជួយជួសជុលនិងសាងសង់ជំរុំជម្រកជូនប្រជាពលរដ្ឋក្រីក្រនៅទូទាំងខេត្តដោយដោះដូរពីផ្ទះបាំងនិងប្រក់ស្បូវមកជាផ្ទះបាំងនិងប្រក់សង្ក័សីវិញដើម្បីឲ្យការរស់នៅរបស់ពួកគាត់បានសមរម្យពិសេសទុកឱកាសដល់ពួកគាត់មានលទ្ធភាពរកស៊ីចិញ្ចឹមជីវិតនិងមានជីវភាពបានធូរធារមិនបាច់ចំណាយលើការសង់លំនៅដ្ឋាននោះទេហើយការផ្តល់ជូននេះគឺមិនបានគិតពីនិន្នាការនយោបាយឡើយ។​ដោយឡែកការប្រគល់និងសាងសង់លំនៅដ្ឋានថ្មីមួយជូនដល់គ្រួសារលោកស្រី​ ប៉ែន​ កាយ​ នេះគឺជាការសាងសង់បន្ថែមដោយមិនដាក់បញ្ចូលទៅក្នុងផែនការយុទ្ធសាស្ត្រនោះទេ។​

       ក្នុងឱកាសចុះទៅប្រគល់និងពិនិត្យការសាងសង់នោះដែរលោក​ លី​ សារី​ និងក្រុមការងារបានឧបត្ថម្ភបន្ថែមនូវថវិកា២២ម៉ឺន​និងគ្រឿងឧបភោគមួយចំនួនផងដែរដល់គ្រួសារលោកស្រី​ ប៉ែន​ កាយ​ ហើយសំរាប់ប្រជាពលរដ្ឋក្នុងភូមិសារ៉ុងម្នាក់មួយ​និងជាង៦នាក់ម្នាក់២ម៉ឺនរៀលផងដែរ។